Það voru hans orð að kalla ráðhúsið vændishús ekki mín.......

Ég hitti ,,Granna" (sem er þó ekki lengur granni minn) í gærkvöld þegar ég var að koma af fundi. Við ,,granni" tökum tal svona af og til. Það eru oft æði sérkennilegar umræður. Ég ætla lýsa því hér og nú sem okkur fór á milli í gærkvöld, þetta sérkennilega kvöld þar sem undarlegir atburðir áttu sér stað í stærsta og dýrasta leikhúsi landsins. Ég ætla hafa það skáletrað sem ég lagði til málanna í þessu skrítna samtali.

Jæja Palli minn nú hlýtur þú að vera ánægður með nýjasta gjörninginn í borginni ha. Flokkurinn þinn Sjálfstæðisflokkurinn ,,ég er ekki sjálfstæðismaður" víst ertu sjalli. Þið hljótið að vera ánægðir ha nú loksins hefur þessi risavaxni minnisvarði sem Foringinn ykkar hann Davíð ,,hann er ekki minn foringi í guðsbænum" reisti sér í drullupollinum sem í daglegu máli kallast Tjörnin fengið nýtt nafn sem hæfir. Heyrðu Davíð er ekki foringinn minn. Hann er víst foringinn þinn. En hvað um það hefur þú fylgst með dramanu í borginni? Hegðun fólksins er með þeim hætti að manni er ofboðið. Atburðirnir minna á vændi. Ráðhúsið er orðið að stærsta vændishúsi á landinu.

Þögn, löng þögn. Granni gekk á brott. En mikið er ég nú ánægður að það var ,,granni" sem lét þessi orð falla en ekki ég. Granni var komin dágóðan spöl þegar ég tók mig til og kallaði á eftir honum ,,heyrðu granni þetta sýnir bara hversu framsýnn hann Dabbi var þegar hann reisti húsið, hann hefur séð fyrir sér hvað framtíðin myndi bera í skauti sér".

Ég dreif mig heim. Ég hafði misst af kvöldfréttum en vissi hvaða innst inni hvaða atburðir hafi átt sér stað. Ég leit til himins. Himininn var dökkur hvert sem litið var. Og ég tók upp myndavélina og smellti af einni og svei mér þá ef hún er ekki lýsandi fyrir það sem hafði gerst. Það grétu allir, meira segja himnarnir, þeir grétu þó þurrum tárum. Er nema hægt að vera dapur. Atburðir síðustu vikna og mánuði hafa saurgað pólitíkina. Það er ekki hægt lengur að bera virðingu fyrir þessu fólki sem þar stjórnar. Hvenær ætlar þessi endemis vitleysa að taka enda? Af hverju í ósköpunum tekur sig engin til og tuskar þetta fólk til hlýðni? Hvenær ætla stjórnmálaskýrendur að fara kalla hlutina sínum réttum nöfnum?. Ég hef fengið nóg, það hafa allir fengið nóg, nema þeir sem standa á fjölum þessa brjálaða leikhúss. Ég segi bara eins og Stór snillingurinn Steinn Steinarr forðum daga ,,ekki meir ekki meir".

Ætla skjótast á völlinn í kvöld og horfa á 2. flokk kvenna taka á móti Selfyssingum í Vísabikarnum. Stelpurnar okkar í Þór/KA hafa titil að verja. Þeir leikþættir sem knattspyrnustelpurnar okkar bjóða uppá er engin drama, þar fá allir það sem þeir óska þ.e.a.s. skemmtun.

Að lokum sendi ég fyrrum skipsfélaga og kunningja mínum honum Kalla Karlesar góðar kveðjur en hann á afmæli í dag.

Fróðleikur dagsins:  Ég reyndi einu sinni að sniffa kók, en ísmolarnir festust í nefinu á mér.

Nema hvað, enda komin í alvöru klúbb

Auðvitað er Mark Hughes ekkert á förum, komin í alvöru klúbb þ.e Stóra félagið í Manchester. 

Málsháttur að morgni dags:   Það er list að binda mikið mál í stuttri ræðu

Hughes: Ég er ekki á förum

Snilldartaktar og góður fyrirlestur hjá Sigga Ragga

Pæjumót 2008 var haldið um liðna helgi þar sem knattspyrnusnillingar úr 4. 5. 6. og 7. flokki stúlka sýndu snilldartakta eins og þeim einum er lagið. Ég þangað. Þetta er í annað sinn í sumar sem ég fer á knattspyrnumót hjá stúlkum. Ég hef lært talsvert af því. Hafði aldrei fram að þessu verið á knattspyrnumótum hjá stúlkum en þó nokkru sinnum hjá strákum. Eðlilegt það sem báðar dæturnar voru ekki svo ýkja mikið í boltanum en aftur á móti var sonurinn talsvert í tuðrusparki.

Hvað um það. Munurinn liggur klárlega í því að hjá kvenþjóðinni er meiri leikgleði. Hjá strákunum er klárlega lögð meiri áhersla á sigur. Horfði iðulega uppá foreldra og forráðamenn drengja hér áður fyrr hreinlega missa sig svo að með ólíkindum var. Í dag alla vega í yngri flokkum hjá stúlkum er þetta mun afslappaðra og notalegra. Þannig á það auðvitað að vera. Það er lífsnauðsýnlegt að leyfa þessum krökkum að þroskast í friði án allra óþarfa pressu. Pressan kemur síðar það er deginum ljósara.

Í mínu félagi er það þannig a.m.k. hjá þjálfurum þessara stúlkna að upp er lagt með leikgleði og að hafa gaman af hlutunum, og líta á sigur í leik sem bónus en ekki að krafa sé gerð um slíkt. Í þannig umhverfi eru mun meiri líkur til að krakkarnir endist lengur í íþróttinni og þá sérstaklega fyrir þá sem seinni eru til í þroska, því börn þroskast misjafnlega hratt.

Í flokknum þar sem mín barnabörn eru tekst þetta með miklum ágætum. Um helgina fóru stelpurnar í einskonar þróunaraðstoð. Hún fór þannig fram að lið Skallagríms úr Borgarnesi kom svo fámennt í 7. flokki B- liða að við lánuðum þeim tvo leikmenn í hvern leik hjá þeim. Þessu var svo skipt bróðurlega milli stelpnanna. Allar fengu að spila sem lánsmenn með Skallagrími. Þetta þótti öllum stelpunum bara gaman. Fór svo að Skallagrímur vann í raun sinn riðil í B-liðum og þeirra helsti markaskorari var Þórsari. En af þessum sökum gat liðið ekki unnið riðilinn. En þær fengu háttvísiverðlaun í þessum flokki sem var bara glæsilegt.

Af flokknum hjá Margréti og Elínu var það að frétta að þeirra lið lenti í þriðja sætið var þeirra hlutskipti. Og þótt leikgleðin hafi veirð í fyrirrúmi var brosið á andlitum þeirra ósvikið þegar þær tóku á móti verðlaununum. Verðlaunapeningur um hálsinn og bikar = stórt bros. Og ekki skemmdi fyrir að knattpyrnudrottningin, landsliðskonan og leikmaður Þór/KA Rakel Hönnudóttir afhenti verðlaunin með aðstoð Sigurðar Ragnars Eyjólfssonar landsliðsþjálfara kvenna. Síðast en ekki síst voru þær sérdeildis ánægðar með þetta þar sem Rakel er jú ein af þeim sem þjálfar þennan flokk.

Skrapp á laugardagskvöldið þegar knattspyrnuhetjurnar voru lagstar til svefns fór ég í bíósalinn og hlustaði á fyrirlestur hjá Sigurði Ragnari Eyjólfssyni landsliðsþjálfara. Hann kynnti í máli og myndum hvernig hann leggur upp með vinnu í kringum A- landslið kvenna. Snilldar fyrirlestur. Eftir á vissi maður talsvert mikið meir og ekki minnkaði álit mitt á þessu unga og snjalla þjálfara eftir þetta kvöld.

Án þess að rekja neitt nánar um hvað hann fjallaði eða úttala mig meir um helgina sem slíka þá aðeins rétt í blálokin - takk fyrir mig og nú get ég látið mig hlakka til næsta knattspyrnumót hjá þessum drottningum.

Fróðleikur dagsins: Pablo Picasso var yfirgefinn af ljósmóðurinni þegar hann fæddist því hún taldi hann hafa fæðst andvana. Honum var bjargað af frænda sínum.

Ég bara vissi ekki af þessu - dem

Notalegt, ekki satt? Verð að viðurkenna að það örlar á smá öfund hjá mér.... ég hefði vilja bjóða í húsið, en vissi bara ekki að húsið væri til sölu.

Við hæfi: Einn hundur öfundar ef öðrum er klappað

Borgaði 61 milljarð fyrir hús

Af þessum gjörningi er vond lykt

Ég hvet alla, og þá meina ég alla til þess að lesa Bakþanka Þráins Bertelssonar á baksíðu Fréttablaðsins í dag. Sá pistill er enn eitt gullkornið frá þessum snillingi. Um leið vakti frétt á forsíðu sama blaðs engu minni athygli hjá mér þar segir ,,Nýr forstjóri LSH fær fjórðungs hækkun" er hér átt við hækkun á launum sem nýr forstjóri LSH fær þegar hann kemur til starfa miðað  laun fyrrirennara síns. Nýverið fengu hjúkrunarfræðingar 14% hækkun launa fyrir skömmu. Ljósmæður vilja svipaða hækkun sinna launa en ekki er ljáð máls á slíku. Já er nema von að þetta fólk sem vinnur í umönnunarstörfum spyrji sig þeirra spurninga ,,er þetta réttlátt?"

Ég veit ekki með ykkur en mér finnst lyktin sem ég finn af þessu ekki góð, hún er kennd við skít, hvað með ykkur?

Málsháttur dagsins: Betra er að maðurinn prýði embættið en embættið manninn

Viðsnúningur Hallgríms Hjörleifssonar - batnandi mönnum er best að lifa

Það var athyglivert að lesa pistil fyrrum ritstjóra staðarblaðsins Vikudags á Akureyri, sem birtist í 24 stundum í dag. Þar tekur Hallgrímur upp hanskann fyrir Ólaf F. Magnússon borgarstjóra. Hallgrímur kallar blaða- og fréttamenn ,,snápa" fyrir það að hafa ekki gefið Ólafi vinnufrið en þeir hafa gengið svo langt að vilja fá svör við ýmsum óskiljanlegum uppátækjum háttvirts borgarstjóra. Það er stórmannlegt af Hallgrími að verja Ólaf F. Magnússon. En skoðum forsögu Hallgríms aðeins þegar kemur að þessum málum.  

Á undanförnum árum hefur Hallgrímur Hjörleifsson hefur ritað óteljandi pistla og greinar í hið ágæta staðarblað Vikudag, sem og Morgunblaðið þar sem hann hefur farið ófögrum orðum um aðkomufólk í bæjarstjórn Akureyrar. Þetta hefur gengið svo langt að flokka mætti aðför hans undir gróft einelti. Þetta fólk er óalandi og óhæft til að stjórna bænum okkar að hans mati, af hverju? Jú þetta er utanbæjarfólk.

Þetta væri allt saman gott og blessað ef ekki væri fyrir þá undarlegu staðreynd að Ólafur F. Magnússon er Akureyringur og því aðkomumaður í borgarstjórn Reykjavíkur. Hvað ætli valdi þessum sinnaskiptum hjá Hallgrími? hefur hann loksins áttað sig á því að það skiptir nákvæmlega engu hvar rætur manns liggja? Dalvík, Akureyri, Höfn í Hornafirði, Reykjavík og svo mætti lengi telja uppruninn skiptir ekki máli, heldur hvaða mann hver og einn hefur að geyma. Það er fagnaðarefni að Hallgrímur skuli hafa áttað sig á þessu.

Því megum við eiga von á því að hann líti Sigrúnu Björk bæjarstjóra á Akureyri, Hermann Jón Tómasson formann bæjarráðs Kristján Þór Júlíusson bæjarfulltrúa og aðra sem í bæjarstjórn Akureyrar sitja og eiga rætur sínar að rekja í önnur sveitarfélög öðrum augum hér eftir annað er óhugsandi ef maðurinn er samkvæmur sjálfum sér. Því segi ég ,,batnandi mönnum er best að lifa" prik handa Hallgrími.

Í dag var A- Landsliðskonan og leikmaður Þór/KA Rakel Hönnudóttir valin í úrvalslið 7. - 12. umferðar Landsbankadeildar í knattspyrnu. Þá var hún einnig útnefnd sem besti leikmaður þessara umferða. Fyrr í sumar var Rakel valin í lið 1.-6. umferða Landsbankadeildarinnar. Þetta er enn einn stórsigurinn fyrir knattspyrnu kvenna hér á Akureyri.  Hér á Akureyri er verið að vinna frábært uppbyggingarstarf í knattspyrnu kvenna það sést best á þessu. Ég fékk Rakel Hönnudóttir til þess að droppa við hjá mér í kvöld þannig að ég gæti smellt af henni mynd með verðlaunin. Og í leiðinni smellti ég mynd af henni með barnabörnum mínum þeim Margréti Birtu og Elínu Ölmu en Rakel er ein af þjálfurum Þórs sem sér um æfingar hjá 7. flokki stúlkna þar sem þessar skvísur eru að æfa. Til hamingju Rakel og til hamingju knattspyrnukonur á öllum aldri á Akureyri. Áfram Stelpur í Þór/KA.

Þá er hluti af kvenarmi fjölskyldunnar lagðar af stað í ævintýri. Þær héldu á vit ævintýranna fyrsti áningarstaður er Keflavík þar sem þær munu hvíla lúin bein áður en lengra verður haldið. England eða nánar tiltekið Leicester er staðurinn sem þessar elskur ætla njóta lífsins á næstu daga. Vonandi munu þær skemmta sér konunglega og nota tækifærið og rölta búð úr búð án þess að hafa grenjandi karla í eftirdragi sem leita ekki að neinu öðru en næstu krá, sem þeir hvort eð er fengju ekki leyfi til að fara inn á.

Þetta minnir á að stundum er sagt þegar karlar fara í hóp á fótboltaleik erlendis ,, nei við viljum engar konur við ætlum að skemmta okkur". Já ætli það sé ekki nákvæmlega það sem þessar elskur er að pískra í dag og njóta lífsins og segja ,,nú verður gaman engir karlar nú getum við loksins skemmt okkur í friði" fara svo hoppandi eins og ballerínur upp í IcelandExpress flugvél snemma morgun meðan við karlarnir öfundumst hér heima án þess að þora viðurkenna það opinberlega. Annars segi ég það með sanni vonandi skemmt þær sér hið besta og taka rækilega út rápið milli búða sem mun veita þeim ró næsta árið eða svo

Fróðleikur dagsins: Lögum samkvæmt er bannað að leika tennis á götum Cambridge.

Ég er hjá kallinum,,,,, hann er verja

,,Ég er hérna uppá unglinga tjaldstæðinu ,,,,,,,,,ég er hjá kallinum...... hann er svona verja, þið sækið mig bara er það ekki?"  Þetta er brot úr símtali hjá ungri stúlku sem vildi láta ná í sig uppá tjaldstæði. Ég var ,,kallinn - verjan". Stúlkan stóð við hlið mér meðan á þessu símtali lauk. Ég spurði hana hvað hún átti við með að segja ,,hann er verja". ,, Æi þú veist svona kall sem er að verja svæðið hvað kallast það annars". Við þetta tækifæri rifjaðist upp atvik sem átti sér stað í knattspyrnuleik  sem fram fór í Boganum í vor í meistaraflokki kvenna. Markvörður annars liðsins varði þrumufleyg með tilþrifum og hlaut mikið klapp að launum. Kallaði einn áhorfandinn þá ,,góð verja".

Stóð tvisvar sinnum 8 tíma vaktir á unglingatjaldstæðinu hér ofan við bæinn um helgina. Körfuboltadeild Þórs hafði veg og vanda af þeirri vinnu. Allt gekk eins og í sögu enda er æska landsins ljúf sem lamb og ekki síst þegar komið er fram við þau eins og hvern annan fullorðin einstakling. Allt gekk eins og í sögu um helgina og geta skipuleggjendur tjaldstæðisins borið höfuðið hátt og verið stoltir af sinni vinnu. Helgin gekk vel í alla staði en að mínum dómi var aðeins einn galli á gjöf Njarðar, dagskráin var vægast sagt hálf leiðinleg.  Ég fann ekkert sem féll að mínum þörfum, barnabörnin 3,6.7 ára sögðu ,,ekkert gaman" að undanskilinni flugeldasýningunni þá var sagt VÁÁÁÁÁÁÁÁÁ. 

Ást á rauðu ljósi flott þema - ég reyndi aftur og aftur að nýta mér þetta en komin á þann aldur að ljósin þyrftu að loga talsvert mikið, mikið miklu lengur til að það gengi upp hjá mér. Kyssist faðmist og elskist allt gott. En þetta 80´þema dísess ég þyrfti að vera með minnistap á háu stigi til að vilja rifja upp tónlistina, klæðaburðinn og tala nú ekki um hárgreiðsluna sem þarna var dásömuð. Samt standa lögin hans Vilhjálms (sem var ekkert 80´ heldur eilíf snilld) alltaf upp úr svo ekki voru leiðindin 100%. En upp úr stendur að hátíðin tókst vel þótt ekki hafi verið hægt að gera ,,kalli" eins og mér til geðs að öllu leiti. Vonandi byggja menn á þessari reynslu og fara með það inn í næstu Verslunarmannahelgi að ári.

Nú hefst erill nýrra viku á þriðjudegi þannig að þessi vinnuvika verður í styttra lagi hjá flestum. Er að spá í að skella mér til Sigló um næstu helgi með Jóa þar sem stelpurnar Margrét Birta og Elín Alma taka þátt í Pæjumótinu sem þar er haldið og er árvíst.

Málsháttur dagsins:  Einn hundur öfundar ef öðrum er klappað

Árni Johnsen mætti ofjarli sínum... hann mætti konu

Bæjaryfirvöld á Akureyri stigu það skref að leyfa að tjaldstæði fyrir ungt fólk 18+ yrði starfrækt á Akureyri yfir Verslunarmannahelgina. Frábært. Þess vegna er óhætt fyrir ungt fólk sem orðið er 18 ára að skutlast norður og skemmta sér. Tjaldstæði verða opnuð á morgun og þar verður öflug gæsla og þjónusta alla helgina. Körfuboltadeild Íþróttafélagsins Þórs mun sjá um alla umsýsluna í kringum tjaldstæðin, svo þeir sem mæta verða í öruggum höndum. Svo drífa sig og bruna norður.

Stelpurnar okkar í Þór/KA tóku á móti nýliðum HK/Víkings í Landsbankadeildinni. Skemmst er frá því að segja að Stelpurnar okkar fóru með öruggan 3-0 sigur af hólmi. Rakel Hönnudóttir skoraði 2 mörk og Mateja Zver setti eitt. Það hefur vakið athygli manna hve áhorfendum á leikjum liðsins hefur fjölgað jafnt og þétt í sumar. Í gærkvöld mætti nærri 300 manns á leikinn sem er hreint út sagt frábært. Áfram Stelpur í Þór/KA

Í kvöld fer svo fram á Akureyrarvelli leikur hjá Þór og Leikni R í 1. deild karla. Þegar þessi lið mættust í fyrri umferðinni í Reykjavík fóru mínir menn með sigur af hólmi 2-3. Liðið teflir fram nýjum leikmanni sem er Norður Írskur landsliðsmaður sem leikur stöðu miðvarðar. Skildu sigur í kvöld Áfram Þór.

Mér þykir vægast sagt hlálegt að Árni Johnsen ætli að fara í meiðyrðamál við Agnesi Bragadóttir blaðamann - af hverju. Agnes var kjarnyrt og notaði ekta íslensk orð til að lýsa Árna. Var það ekki allt í lagi?. Er ekki Árni maður sem hefur í gegnum árin vilja notað slíkar aðferðir? Er þetta ekki maðurinn sem hefur þótt við hæfi að heilsa mönnum daginn út og daginn inn að sjómannsið?. Hvað fer svona fyrir brjóstið á Árna? Má ekki nota sömu aðferð á hann og hann notar sjálfur? Var þetta ekki líka allt satt og rétt sem Agnes sagði um Árna - það fannst mér alla vega. Eða getur verið að Árni sé svoddan veimiltíta að hann lyppist niður ef á móti blæs. Kannski ekki skrítið í þetta sinn þar sem hann mæti loksins ofjarli sínum þ.e. KONU.

Sól skín í heiði á landsmenn alla og það er nánast alveg sama hvert á land sem fólk vill halda - allstaðar brosir sólin við manni. Á hverjum degi heyrir maður um hitamet sem falla hér og þar, þótt granni minn segi ,,þó aðallega þar.

Þegar svona ástand ríkir á landinu er ekki hægt annað en vera sáttur við lífið og tilveruna. Taka utan um náungann segja honum hvað manni þyki vænt um hann og hversu mikils virði hann sé þér og þínum. Með þannig hugarfari er got að hefja hvern dag, og geri maður það gengur allt upp.

Því segir ég ,,gerum eins og meistari Megas sagði forðum ,,Ef þú smælar framan í heiminn þá smælar heimurinn framan í þig".

Að svo búnu ætla ég að halda út í sólina og smæla framan í heiminn.

Að lokum þá voru myndirnar sem eru með þessari bloggfærslu teknar á leiknum í gærkvöld og tók ég þær sjálfur.

Fróðleikur dagsins: Ef þú smælar framan í heiminn þá smælar heimurinn framan í þig.

Átti ég að segja sannleikann eða gera eins og kattarkvikindið

,,Afi af hverju eru engir fuglar í garðinum þínum?". Mér vafðist tunga um tönn, hvað átti ég að segja. Átti ég að segja sannleikann eða gera eins og kattarkvikindið og dansa í kringum sjóðandi heitan grautarpottinn?. Sannleikurinn er nefnilega sá að í hverfið sem ég bý í er fullt af kattarkvikindum, sem ég kalla meindýr. Fuglalíf heyrir sögunni til enda kattafárið slíkt að það hálfa væri meira en miklu meir en nóg. Kattar ófétin virða engin landamæri og rjúfa friðhelgi einkalífsins um leið og maður vogar sér að opna glugga til að lofta út þá kemur köttur í heimsókn. Óþolandi ástand. Ég spyr mig aftur og aftur þeirra spurninga af hverju í andsk... er lausaganga katta ekki bönnuð? Já það er köttur í bóli Bjarnar, svo mikið er víst.

Þetta er dapurlegt. Ég sem þrái að heyra fuglasöng. Ég vildi óska þess að ég þyrfti að heyja harða baráttu við fuglinn um berin á rifsberjarunnanum. En í raun er svo ekki. Fuglinn þorir einfaldlega ekki að láta sjá sig. Nágranni minn sem á kött sagði ,,þetta er ekkert mál kettirnir eru með bjöllur". Jú rétt er það en fuglinn tekur samt enga sénsa, hann einfaldlega finnur sér betri stað þar sem minna er um ketti.

Meðan dóttir mín bjó í Hrísey var ég þar tíður gestur. Hrísey iðar af flugalífi, og eyjan er nánast laus við Ketti, ekki alveg. Á þeim tíma sem ég var tíður gestur var einn köttur í eyjunni og það sem meira er hann var tjóðraður eins og gert er við hunda, hreint út sagt til fyrirmyndar. Fuglarnir flögruðu um og sungu ,,dirrindin, dirrindií" meðan kísi lá í grasinu og malaði. Þessi umræddi köttur fékk aldrei að ganga laus utan dyra og þrátt fyrir það leið honum bara askoti vel. Lausaganga katta í eynni er bönnuð. Hrísey er hluti af Akureyri. Ég geri þá kröfu að sömu lög gildi hér og þar og væri meir en til í að lúta reglum Hríseyjar í þessu máli, og hana nú.

Myndin sem fylgir þessari bloggfærslu er að sjálfsögðu ekki tekin í mínum garði heldur tekin við sumarbústað við Hestfjall þar sem Theódór óðalsbóndi ræður ríkjum í minn garð koma ekki fuglar nema þeir væru í sjálfsmorðs hugleiðingum.

Og hvað barnabarnið viðkemur þá fór ég bil beggja og sagði barninu hálfan sannleikann en sleppti því að segja hvað afi hefur í hyggju að gera varðandi þessi mál - það bíður betri tíma. Og ef kisi vissi hvað ég er að bralla og undirbúa þá léti hann aldrei sjá sig í mínum garði svo mikið er víst,  bíðið bara kattarófétin ykkar .

Slagorð dagsins: Hunds tungan græðir en kattar tungan særir  

 

Þessar stelpur eru hreint út sagt yndislegar

Stelpurnar okkar stóðu í eldlínunni í gær þegar þær mættu hinu baráttuglaða liði Stjörnunnar úr Garðabæ, þar sem hinn skautlegi Þorkell Máni Pétursson þjálfari stendur við stjórnvölinn. Þorkell Máni hefur gefið það út að hann stefni að því að vera með leiðinlegasta liðið í deildinni. Hann á við að engu liði eigi að þykja gaman að spila við sitt lið vegna þess að þau tapi jafnan fyrir þeim - sniðugt viðhorf hjá honum.

Fyrir leikinn sagði ég í upphitunarpistli á heimasíður Þórsað ég vonaðist til þess að honum myndi þykja gaman á Akureyri alveg fram að leik, en eftir og meðan á leik stæði þætti honum hundleiðinlegt að vera hér. Mér varð að ósk minni. Skemmst er frá því að segja að Stelpurnar okkar í Þór/KA sigruðu lið Stjörnunnar 2-0 með mörkum frá Ivönu Ivanovic og landsliðskonunni Rakel Hönnudóttir. Önnur myndin er einmitt frá því augnabliki sem boltinn er á leið yfir marklínuna og þá varð staðan orðin 2-0.

Fyrir þá sem hafa áhuga er hægt að fara á heimasíðu Þórsog lesa ítarlega umfjöllun um leikinn og ummæli í leikslok. Þau skrif á Sölmundur. Snilldar skrif hjá honum. Er hann einn örfárra sem skrifa um íþróttir sem tekst að gera það án þess að hnútukastast út í dómara og blindast af sínu eigin liði. Öll skrifin eru þess eðlis að fyrir þá sem ekki þekkja til myndu þeir seint giska á að hér væri um heimamann að ræða.

Eitt skyggði þó á annars góðan leik og skemmtilega stemmingu meðal áhorfenda. Þar féllu miður skemmtileg orð um þjálfara Stjörnunnar sem ekki voru við hæfi og engum til sóma. Þau særðu. Kvennaráð knattspyrnudeildar bað þjálfara og forráðamenn Stjörnunnar afsökunar og vonum við svo sannarlega að þetta eigi ekki eftir að endurtaka sig, aldrei. Ég held að svo sé ekki því ég veit að Þorkell Máni veit að þessi ummæli eru ekki í anda liðsins, vonum að svona gerist ekki aftur hvorki hér hjá okkur eða öðrum. Þorkell Máni sagði þetta leiðinlegt þar sem áhorfendur hafi verið skemmtilegir og frábærir allt þar til í blálokin er þessi ummæli féllu.

Í lokin eftir að menn höfðu róað sig niður, rætt málin og krufið þau féllust menn í faðma. Þjálfara beggja liða þ.e.a.s. Dragan Stojanovic þjálfari Stelpnanna okkar og Þorkell Máni skildu sáttir og féllust í faðma eins og myndin hér sýnir. Þetta eru báðir miklir heiðursmenn og höfðingjar.

Stelpurnar okkar í Þór/KA klifra nú hægt og bítandi upp stigatöfluna og eru nú búnar að hala inn jafnmörk stig og þær gerðu allt tímabilið í fyrra. Næsti heimaleikur hjá þeim verður n.k. þriðjudag þegar nýliðar HK/Víkings koma í heimsókn. Stelpurnar okkar unnu fyrri leikinn á útivelli fyrr í sumar svo vonandi endurtaka þær leikinn á þriðjudaginn. Ég skora alla sem hafa tök á að mæta á leiki hjá Stelpunum okkar þær eru með þrusu gott lið og það sem meira er að gæðin á leikjum í kvenna knattspyrnunni eru slík að sómi er af.

Annars er nokkuð ljóst að ég mun nýta daginn í dag framan af til þess að liggja í leti og njóta veður blíðunnar. Grillið verður ræst tímanlega og trúlega fer lambið á það ásamt ýmsu öðru góðgæti. Verð að hafa eitthvað gómsætt á grillinu tilbúið þegar ,,Óðalsbóndinn" Theódór kemur heim í lok dagsins vonandi brosandi út að eyrum. Karlinn skráði sig á golfmót sem fram fer á Jaðarsvelli. Hann mun áræðanlega slá þar í gegn. Á meðan ætla konurnar að slappa af í búðum.

Slagorð dagsins: Áfram Stelpur í Þór/KA