Leita í fréttum mbl.is

Færsluflokkur: Íþróttir

Þú! ætlar, eða ættir að gera það sama og ég í kvöld.

Deildarmeistarar Þórs 2007 í körfuboltaÞú! ætlar eða ættir að gera það sama og ég í kvöld. Þú! ætlar eða ættir að láta það eftir þér að njóta lífsins þér til skemmtunar, og án efa munt ekki sjá eftir þeim tíma, ef þú gerir það sama og ég.      Ég mun eyða hluta kvöldsins við það að horfa á tvö úrvalsdeildarlið eigast við í körfubolta, tvö skemmtileg lið. Ég er að tala um leik Þórs - og Skallagríms. Leikurinn hefst kl. 19:15 og veður leikið í íþróttahúsinu við Síðuskóla. Ef þú kemst ekki þá bendi ég þér á að kíkja á heimasíðu Þórs því til stendur að vera með beina netlýsingu af leiknum slóðin er www.thorsport.is.

Bloggfærslan hófst á orðunum ,,Þú! ætlar eða ættir að gera það sama og ég í kvöld" og af hverju ætti svo að vera? Svarið er einfalt, körfubolti er svo skemmtilega íþrótt, og það segir allt sem segja þarf.

Fróðleikur dagsins: Eiginkonur Abrahams Lincoln og Johns F. Kennedy misstu báðar barn meðan þær bjuggu í Hvíta húsinu.

 


Aftur á móti er hann löngu, löngu gleymdur

ThorsmerkiFór á völlinn í kvöld og horfði á mína menn í Þór taka á móti Njarðvikingum. Skemmst er frá því að segja að Þór vann 2 - 1 sigur sem verður að teljast nokkuð sanngjarnt miðað við gang leiksins. Öll mörkin komu í seinni hálfleiknum. Þórsarar komust í 2 - 0 áður en Njarðvikíngar náðu að minnka muninn.

Í kvöld bar það til tíðinda að handboltakappinn Heiðmar Felixson kom inná í seinni hálfleiknum og stóð hann vel fyrir sínu. Er hér á ferð afar fjölhæfur og góður íþróttamaður. Vilja margir meina að hann hefði náð langt í knattspyrnunni ef hann hefði einbeitt sér að henni, en ekki tekið hana sem aukagrein.

Heiðmar var ef ég man rétt ekki nema 15 eða 16 ára þegar hann hóf feril sinn hjá Þór í meistaraflokki karla í knattspyrnu, Þá var Sigurður Lárusson (Ljárinn) þjálfari Þórs. Í dag er sonur Sigurðar þ.e. Lárus Orri fyrrum atvinnumaður í knattspyrnu þjálfari Þórs.

Eftir sigurinn í kvöld er Þór áfram á toppi deildarinnar nú með 10 stig eftir fjórar umferðir 3 sigra og 1 jafntefli. Greinilegt að uppbyggingastarf félagsins er að skila sér enda liðið mjög ungt og skipað nær einvörðungu heimamönnum.

Ekki var það til að skemmta góða kvöldstund hve veðrið var gott og allar aðstæður hinar ágætustu. Þó hefur maður oft séð Akureyrarvöllinn betri á þessum tíma, og má segja um hann að ekki hafi hann komið sérlega vel undan vetri.

Fróðleikur dagsins: Herostratos, sem brenndi musteri Díönu, er enn í minnum hafður. Sá sem reisti það er gleymdur.

Boltinn rúllar og rúllar frábær sigur Þórs.

Lárus Orri SigurðssonÍ gærkvöld tóku stelpurnar í Þór/KA á móti liði Breiðabliks úr Kópavogi hér á Akureyrarvelli. Stelpurnar í Þór/KA stóðu þokkalega í stórliði Breiðabliki í 2-3 tapi. Greinilegt að Dragan og Moli eru á réttri leið með þetta unga og efnilega lið.

Í dag fór karlalið Þórs suður yfir heiðar og spiluðu við lið Reynis úr Sandgerði í þriðju umferð á Íslandsmótinu í knattspyrnu. Reynismenn höfðu unnið báða leiki sína þegar að þessum leik kom. Þór var með einn sigur og eitt jafntefli úr fyrstu tveimur leikjunum. Þórsarar fóru með 1-5 sigur af hólmi og komu þeir svo sannarlega Reynismönnum niður á jörðina.

Þór er því komið á topp deildarinnar ásamt Grindvikingum og Fjarðarbyggð. Vonandi er þetta það sem koma skal þ.e. að vera í efri kanti deildarinnar. Mörk Þórs í þessum leik; Hreinn Hringsson 2, Ármann Pétur Ævarsson 2 og Mattías Friðriksson.

Greinilegt að uppbyggingarstarf Lárusar Orra Sigurðssonar er farið að skila sér. Hann er einnig með frábærann mann sér til aðstoðar þ.e. Pál Viðar Gíslason fyrrum knattspyrnumann, flott þjálfarateymi.

Svona lítur stigataflan út eftir 3 umferðir efstu fjögurra liða.

1. Þór                 3  2  1  0   8:3    7
2. Grindavík        3 2  1 0     5:1    7
3. Fjarðabyggð   3  2  1  0   3:0    7
4. KA                  3  1  2  0   2:1    5
  
                                       
Málsháttur dagsins: Hætt er þeim við falli, sem hátt hreykist.

Hann hætti þar en er byrjaður hér.

Enskir knattspyrnumenn luku keppni í úrvalsdeildinni nú um helgina. Mínir menn í Manchester City enduðu tímabilið í 14. sæti sem er sá árangur sem menn lögðu upp með í upphafi tímabils. Hef trú á því að menn girði sig í brók næsta vetur og sýni hvar Davíð keypti ölið.

Um leið og enskir luku sínu tímabili byrjaði boltinn að rúlla hér heima. Mínir menn í Þór hófu leiktíðina með því að etja kappi við lið ÍBV og var leikið í Eyjum. Eyjamönnum er spáð góðu gengi í sumar og spá sparkspekingar þeim í 2. sæti deildarinnar. Á sama tíma er mínum mönnum spáð ölu lakara gengi eða 8. sæti. Þórsarar mættu til leiks á sunnudag í Eyjum og gerðu 1 - 1 jafntefli við heimamenn sem verður að teljast bara ásættanlegt.

Chicago Bulls voru komnir undir gegn liði Detroit Pistons í úrslitakeppninni í NBA körfuboltanum. Þeir höfðu tapað fyrstu þremur leikjunum þegar þeir  tóku á móti þeim í nótt og unnu afar sanngjarnan 102 - 87 sigur á heimavelli. Greinilegt er að ,,gamli" risinn Bulls er að vakna aftur til lífsins og rifjast upp ,,gamlar" hatrammar viðureignir milli þessara liða á árum Jordans.

Að þessu sinni geri ég mörgum lesendum mínum þann greiða að blogga ekkert í dag um stjórnmál. Minnist ekkert á Júróvísion, punktur og basta.

Fróðleikur dagsins: Maður verðskuldar að kallast vitur á meðan hann leitar viskunnar. Um leið og hann heldur sig hafa höndlað hana er hann orðinn flón.

Að baki Bjarna stóð og stendur enn kona....

lokahof52Í gærkvöld hélt körfuknattleiksdeild Þórs lokahóf sitt í Hamri félagsheimili Þórs. Rétt um 100 manns sátu samkvæmið sem var allt hið skemmtilegasta. Var þetta lokhnykkur á annars frábærum vetri þar sem karlalið Þórs vann 1. deildina með miklum yfirburðum en liðið fór taplaust í gegnum tímabilið. Voru ýmsar viðurkenningar veittar þeim sem þótt hafa staðið sig vel í hinum ýmsum störfum í þágu deildarinnar. Guðmundur Oddsson sem hefur verið afar áberandi í öllu starfi Þórs innan vallar sem utan fékk viðurkenningarskjöld frá félaginu. Gummi er að hætta körfuboltaiðkun enda er hann á leið erlendis í frekara nám. Mikið var um dýrðir á þessu glæsilega lokahófi, ýmis heimagerð skemmti atriði sem leikmenn meistaraflokka karla og kvenna sáu um að öllu leiti. Greifamenn sáu um að gestir kvöldsins fengju nægju sína í mat og reiddu þeir fram grillmat að hætti hússins. Maturinn var algerlega frábær og ber Greifanum einn og aftur gott vitni um þvílíkir snildar kokkar eru á þeirr snærum.  

lokahof14Bjarni Jónasson fyrsti formaður körfuknattleiksdeildar Þórs var veitt glæsileg viðurkenning fyrir það frumkvöðla starf sem hann vann í þágu körfuboltans hjá Þór. Bjarni Jónasson var formaður körfuknattleiksdeildar Þórs samfellt í 12 ár. Í máli Guðmundar kom fram að án hans og félaga hans sem komu svo myndarlega að uppbyggingu körfuboltans hjá Þór værum við án efa mun fátækari í dag. Sigfús Ólafur Helgason formaður Þórs þakkaði einnig Bjarna fyrir hans framlag til körfuboltans, en minnti viðstadda á að baki Bjarna stendur og hefur staðið kona sem gert hefur Bjarna kleyft að eyða öllum þeim tíma sem hann hefur eytt í þágu íþróttarinnar.

Einnig var íþróttafólkið sjálft verðlaunað fyrir afrek sín inná körfuboltavellinum. Í karlaflokki voru þeir Magnús Helgason og Helgi Hrafn Þorláksson valdir bestu leikmenn mfl. karla, Helgi Hrafn var kjörinn besti varnarmaðurinn og Birkir Heimisson var valinn besti ungi leikmaðurinn. Að lokum var Óðinn Ásgeirsson valinn mesta hrökkbrauðið (m.a. fyrir það að fá boltann í lærið eins og Einar Valbergsson komst að orði). Hjá konunum var mikilvægasti - og besti leikmaðurinn valin Linda Hreiðarsdóttir besti varnarmaðurinn Súsanna Karlsdóttir og þær Marta Jónsdóttir og Selma Kjartansdóttir voru valdar þær efnilegustu.

lokahof12Óvænta gesti bar að garði á lokahófið þar sem Bjarki Oddsson Þórsarinn knái sem spilaði með liði KR í vetur og varð með þeim Íslandsmeistari mætti á staðinn ásamt KR-ingunum Baldri Ólafssyni, og Skarphéðni Ingasyni mættu á svæðið öllum að óvörum. Var þeim félögum vel tekið og fór vel á með þeim og hinum glaðbeittu Þórsurum sem voru að skemmta sér og öðrum.

Í dag varð Valur Íslandsmeistari í handbolta karla. Innan þeirra raða er fyrrum leikmaður Þórs hinn knái Arnór Þór Gunnarsson sem lék með Þór þar til hann gekk til liðs við Val í haust sem leið. Óska ég Arnóri til hamingju með þennan áfanga.

Fróðleikur dagsins: Þú getur hlaupist á brott frá öllu, sem þú vilt, nema samvisku sjálfs þíns.

Sigur gegn Stjörnunni í kvöld og Þór deildarmeistari.

Bikarinn12Í kvöld tóku Þórsarar á móti liði Stjörnunnar úr Garðarbæ í seinasta heimaleik sínum á Íslandsmótinu í körfubolta 1. deild. Þórsarar sem fyrir leikinn höfðu ekki tapað leik í vetur breyttu ekki út af vananum og unnu sanngjarnan 116-101 sigur á Garðbæingum.

Fyrir leikinn í kvöld sté Sigfús Ólafur Helgason  formaður Íþróttafélagsins Þórs fram á sviðið og kallaði Guðmund Ævar Oddsson leikmann og formann körfuknattleiksdeilar Þórs upp. Færi Sigfús, Guðmundi blómavönd í tilefni þess að þetta er seinasti heimaleikurinn sem Guðmundur leikur með Þór um óákveðin tíma. Guðmundur sem hefur verið burðarás innan vallar sem utan mun halda til frekara náms erlendis á haustdögum.

GummiKvaddur2Guðmundur Oddsson hefur verið leikmaður meistaraflokks í 10 ár og spilað þar stórt hlutverk. Þá hefur Gummi þjálfað marga af yngri flokkum félagsins með afar góðum árangri. Guðmundur er dáður af öllum þeim sem hann þekkja og umgangast.

Sigurinn í kvöld tileinkuðu leikmenn Þórs þjálfara sínum Hrafni Kristjánssyni sem liggur veikur á sjúkrahúsi. Sagði Tómas Hermannsson sem stýrði liðinu í kvöld að þeir hefðu bara gert það sem Hrafn lagði fyrir og því fór sem fór - sigur okkar manna. Sendi ég Hrafni kveðju með ósk um skjótann bata og hann verði mættur í slaginn í seinasta leik Þórs sem verður gegn Hetti á Egilstöðum þann 17 mars n.k.  

ÖrnGuðjónsAð lokum er gaman að geta þess að ungur strákur að nafni Örn Guðjónsson sem er 17 ára gamall skoraði sín fyrstu meistaraflokks stig í leiknum. Þá má bæta því við að faðir hans Guðjón Kristjánsson sem á árum áður lék körfubolta með KR skoraði einnig sín fyrstu stig með meistaraflokki þegar hann var 17 ára gamall. Sannast þarna enn og aftur máltækið góða ,,sjaldan fellur eplið langt frá eikinni".

Fróðleikur kvöldsins: Sæll er sá, er annars böl bætir.

Höfundur

Páll Jóhannesson
Páll Jóhannesson

Akureyringur, eiginmaður, pabbi, afi, Þórsari,  jafnaðarmaður, City - fan og Áfram Þór alltaf, allstaðar.

Hafi einhver áhuga að senda mér tölvupóst þá sendið á pallijo@internet.is

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

270 dagar til jóla

Innskráning

Ath. Vinsamlegast kveikið á Javascript til að hefja innskráningu.

Hafðu samband