Fyrir bloggvininn, og líka ykkur hin

Ágætur bloggvinur minn kvartaði sárann yfir því að ég hafi ekki bloggað um sigur Þórs gegn ÍA í 1. umferð 1. deildar. Hér með geri ég það - í örfáum orðum. Sem sagt Þór vann öruggann sigur á ÍA sl. sunnudag 3-0. Til þess að gera langa sögu stutta bendi ég á umfjöllun á góðri heimasíðu Þórs www.thorsport.is og upphitun fyrir þann leik einnig slatti af myndum sem þið getið séð hér.

Svo fylgir auðvitað mynd með sem félagi minn tók í þeim leik. Áfram Þór alltaf, allstaðar

Ég ætla hins vegar ekkert að blogga um brotlendinguna hjá Stelpunum okkar í 1. umferð 6-1 tap ekki gott en staðreynd. 

En ég ætla hins vegar að segja ykkur frá leik liðsins sem fram fór í gær þegar ÍR kom í heimsókn. Upphitunarpistil má lesa hér og umfjöllun um þann leik hér og ummæli í leikslok hér. Skemmst er frá því að segja að stelpurnar unnu stærsta sigur sem liðið hefur unnið í efstu deild 11-0. Lokatölur leiksins gefa þó ekki alveg rétta mynd af gangi leiksins. ÍR átti ekki eitt skot sem hitti á mark andstæðinga sinna en Þór/KA átti t.a.m. 7 skot í þverslá. Svo fylgir auðvitað ein mynd sem ég tók á leiknum og sýnir þegar boltinn er á leið í mark ÍR eitt mark Rakelar Hönnudóttir en hún skoraði 4 kvikindi í þessum leik. Áfram Stelpur í Þór/KA

Svo rúllar lífið sinn vanagang. Sumarið komið aftur eins og einn kunningi minn sagði í 3. eða 4. sinn eins og Skapti Hallgrímsson blaðamaður orðaði það í  Mogganum í dag. 

Fróðleikur dagsins: Margir sjómenn voru með gullhring í eyranu svo hægt væri að borga fyrir almennilega útför þegar þeir dæju

 

 

Maður dagsins er hógvær og hæglátur

Dagurinn er 12. maí 1984 kl. er 10:30 á Höfn í Hornafirði. ,,Palli hringdu í ljósmóðurina ætli sé ekki best að drífa í þessu". Hápunktur móttökuathafnarinnar er náð tæpri klukkustund síðar nákvæmlega kl. 11:18.  3600 gr. (14,4 marka) 53 cm langur ljósir lokkar. Kom hratt í heiminn ekki með neinum látum, hratt og hljóðlátt. Fæddist á fæðingarheimili Hornafjarðar sem var þá staðsett í kjallara elliheimilisins á staðnum.Heldur uppá aldarfjórðungs afmælið sitt í dag með látum.

Í góðærinu buðu sumir upp á skemmti atriði með fyrrum stórstjörnum til að troða upp.... það var svona 2007. Afmælisbarnið í dag býður uppá ríkistjórnarfund á Akureyri í dag, fund með þingmönnum og ráðherrum Samfylkingarinnar í Lárusarhúsi og fékk allar helstu tónlistarstjörnur dagsins í dag til að troða upp í afmælinu sínu - Eurovision. Eitthvað kosta þessi herleg heit.

Sem barn fór lítið fyrir fyrir honum. Var ekki vanur að troða neinum um tær og gerir ekki enn. Setti sér það markmið sem lítill strákur að verða atvinnumaður í körfubolta NBA og ljúka háskólanámi. Ekki hefur enn draumurinn um atvinnumennsku ræst en kemst þó næst því að því marki að vera atvinnumaður í að skrifa um körfubolta. En draumurinn um háskólapróf er u.þ.b. bil að rætast. Búinn að skila inn B.A. ritgerðinni og bíður nú eftir lokaeinkunninni. Þarf engu að kvíða því allt lítur út fyrir að þar muni hann brillera.

Hann er þekktur fyrir það að tala varlega. Ættingjar og vinir segja gjarnan ,,já Sölli talar ekki af sér". En þegar á reynir og honum þykir ástæða til að láta móðan mása þá getur hann það svo sannarlega. Hans kostur er að hugsa vel og vandlega áður en hann opnar munninn - nokkuð sem margir mættu taka sér til fyrirmyndar. 

Þeir sem þekkja hann best segja hann hæglátan og hógværan og geri ekkert í lífinu með neinu óðagoti. Hvaðan skildi hann hafa þann eiginleika?. Ég vil meina að þetta sé nokkuð sem hann hafi frá pabba sínum....... mér finnst eins og ég sé sá eini sem finnist þetta. Mér finnst eins og fólki finnist yfir höfuð þetta sé eitthvað sem hann hafi frá mömmu sinni.... ætli það ekki bara. Ég á þá bara stórann þátt í öllum hinum kostunum sem ég tel ekki upp hér.

Má til með að láta fylgja myndir af prinsinum. Tvær frá því að hann var lítill gutti. Tók mig til fletti í gegnum gömul albúm með myndum af honum. Skannaði inn tvær sem sést hér að ofan. Var vart búinn þegar hann mætti í eldhúsið og hóf að fletta í gegnum albúmið. Hann hafði greinilega lúmskt gaman af eins og myndin hér að ofan sýnir. 

Eins og gjarnan þegar einhver í familíunni á afmæli þá fer bakarin hinn eini sanni af stað. Byrjaði á því að baka eina tertu að ósk afmælisbarnsins. Svo var bökuðu önnur fyrir systkinabörnin, svo fyrir pabbann, ömmu og afa vini og aðra vandamenn og þegar upp er staðið er til nóg handa öllum. 

Í dag er opið hús í Drekagilinu frá morgni og langt fram á kvöld. Frú Margrét hefur svo sannarlega séð til þess að nóg er til handa öllum og ríflega það.

Til hamingju með afmælið Sölmundur Karl

Fróðleikur dagsins: Abraham Lincoln var kjörinn forseti Bandaríkjanna árið 1860. John F. Kennedy var kjörinn forseti árið 1960

Músagangur í veðrinu

Þegar kisi skreppur að heiman nota mýsnar tækifærið og gera sér glaðan dag. Þannig lætur láta þessasr tvær árstíðir sem nú mætast vorið að víkja og sumarið hægt og bítandi að taka völdin. En á hverju ári kemur smá bakslag, það kólnar. En svona er þetta bara og ekkert við þessu að gera. Við búum á Íslandi.

Í dag skruppum við ,,gamla" settið í skólann, heimsóttum bekkinn hennar Elínar þar sem verið var að kynna hópavinnu. Einskonar sveitaþema. Gaman að fylgjast með barnabörnunum. Elín var afar stolt og ánægð að fá afa og ömmu í heimsókn og ekki skemmdi að hafa líka mömmu næg athygli. Eitt af því sem hún var svo stolt af að sýna var blómapottur þar sem hún hafði sett fræ af sumarblómi í. Verður gaman að fylgjast með framhaldinu.

 

 

 

 

 

 

 

 

 

 

 

 

 

 

 

 

 

 

 

 

 

 

 

Nú styttist óðfluga eins og óðfluga í að boltinn fari að rúlla. Stelpurnar okkar hefja leik á laugardag þegar þær halda suður yfir heiðar og sækja Breiðablik heima í Kópavoginn. Verður gaman að sjá hvernig fer. Stutt er síðan Stelpurnar okkar slógu út lið Breiðablik í Lengjubikarnum og má fullvíst telja að Blikar hugi á hefndir.

Á sunnudag hefja svo strákarnir leik þegar þeir fá Skagamenn í heimsókn í Bogann. Ætli Skagamenn söngli lagið ,,Skagamenn, Skagamenn skoruðu mörkin í leikslok? ekki gott að segja en við bíðum og sjáum til 

Langar að benda ykkur á að ég hef sett inn nýjar myndir á flickr síðuna. Læt þetta nægja að sinni, en ég kem aftur það getið þið bókað.

Málsháttur dagsins: Sá sem alltaf gengur í bestu fötunum sínum á ekki spariföt

Yndislegt líf

Laugardagur til lukku! Ég sagði ykkur frá því fyrr í vikunni á mjög svo hlédrægan og hógværan hátt að Stelpurnar okkar í Þór/KA hefðu tryggt sér sæti í úrslitaleik Lengjubikarsins með sigri á Breiðablik. Í gær léku þær svo til úrslita gegn Stjörnunni. Leikurinn fór fram í Kórnum í Kópavogi. Skemmst er frá því að segja að Stelpurnar okkar unnu sætan 2-3 sigur og þar með er fyrsti stóri titilinn í húsi hjá liðinu. Ég gat ekki verið á leiknum en Sölmundur fór með liðinu og skrifaði fína umfjöllun um leikinn á heimasíðu Þórs www.thorsport.is einnig er hægt að lesa ummæli þjálfara og leikmanna í leikslok. Hér má sjá mynd af liðinu sem félagi okkar Hafliði Breiðfjörð sem vinnur fyrir www.fotbolta.net. Takk fyrir Hafliði.

Að sjálfsögðu var slegið upp lítilli veislu um niðnætti þegar þessar elskur komu í bæinn. Kaffi, coke og pizzur. Þeim voru færðar rósir við komuna, eitt og eitt gleðitár féll með faðmi og tilheyrandi. Hér er svo mynd sem ég tók í myrkrinu af þessum elskum við heimkomuna þar má sjá Hannes Kristjánsson stjórnarmann færa stúlkunum rósir. Til hamingju stelpur.

Við feðgar segjum að dagurinn hafi verið fullkomnaður, Sölli gladdist einnig yfir sigri sinna manna á Englandi. Það gerði ég einnig þar sem Man City vann líka góðan sigur. Yndislegt.

Heyrði granna minn syngja ,,vorið er komið og grundirnar gróa.......". Lóan er komin og allt það. Veðrið búið að vera yndislegt og ekki bara að vorið sé komið ég syng og raula með sjálfum mér ,, sumarið eri tíminn........". 

Já og svo halda vorverkin áfram. Maður horfir á hvernig lí færist í gróður, blóm, fugla, geitunga og allur pakkinn. Þetta er yndislegt þótt einhverir eigi eftir að pirrast á litlum sætum býflugum og geitungum. En þær Margrét Birta og Elín Alma spurðu um daginn ,,afi tínum við ekki aftur ber í garðinum í sumar?". Þær eru að tala um rifsberin. 

 

Auðvitað kemur sá tími (Eins og hjá Jóhönnu) og hann kemur fyrr en mann grunar, ef ekki þá værum við ekki í góðum málum. 

Fróðleikur dagsins: Reynsla er nokkuð sem maður fær ekki fyrr en eftir að maður þarf á henni að halda

Snilldar stelpur og .....

Það verður að segjast eins og það er ,,klúður". Auðvitað hefði ég átt að vera búinn að blogga um þetta fyrr, að sjálfsögðu. Öðru vísi mér áður brá hefði einhver sagt. Ég er að tala um Stelpurnar okkar. Þær léku á þriðjudaginn í undanúrslitum Lengjubikarsins í knattspyrnu gegn Breiðabliki. Verð að játa að fyrirfram var ég kvíðin. Nokkuð vantaði í hópinn okkar. En þegar á hólminn kom ráku stelpurnar allar áhyggjur ofaní kok á mér og fleiru með því að slá Blika úr keppninni. Þar með tryggðu þær sér sæti í úrslitaleiknum gegn Stjörnunni. Það var ósvikin gleði hjá þeim í leikslok. Fyrsta skipti sem þær taka þátt í A- deild Lengjubikarsins og beina leið í úrslit. Algerlega frábært. Ég lofaði að vera með myndavélin á lofti og sjáið fögnuðinn - ósvikinn, ekki satt?

Á morgun laugardaginn 2. maí verður leikið til úrslita. Sá leikur verður í Kórnum í Kópavogi. Ekki á ég kost á því að vera á leiknum, en ég sendi einn fréttaritara með liðinu. Sölli fer með þeim og skrifar um leikinn. 

Veðrið hefur leikið við okkur að undanförnu. Eins og Gunnar bloggvinur minn sagði þá eru það við aðstæður eins og á Akureyri og fleiri stöðum þar sem fjallasýn er þá sér maður vorið koma á annan hátt en ella. 

Handan fjarðarins gengt bænum séð frá bryggjunni niður við Strýtu má sjá Hallandsnes. Þennan bæ áttu föður afi minn og amma þau Hjálmar og Ólöf. Þarna bjó lengi pabbi og hefur maður heyrt nokkuð af sögum þaðan m.a. af mörgum af hans prakkarastrikum, þar sem langafi (Berti í kofanum) varð fyrir.  

Þar sem ég myndaði niður við fjöru bak við frystigeymslu Strýtu vakti yfir mér Krummi sem vildi greinilega hafa á því gætur að aðkomumaður færi ekki þar um eftirlitslaust, enda engin ástæða til. 

Rúntur með barnabörnin upp í hesthúsahverfi. ,,Afi hvað er þetta risa stóra sem hangir niður úr þessum hesti". Við tók fræðsla sem ég hélt að ég væri laus við enda afi núna. En hvað um það þau vita allt um þetta núna.

 Margrét Birta var öryggið uppmálað og rauk í hestana, klappaði og spjallaði við þá. Elín Alma ekki alveg eins örugg, hélt sig í hæfilegri fjarlægð. Betra fara rólega. Aftur á móti var ekki nokkur leið að fá strákinn úr út bílnum ,,afi Jón Páll bíða hér". Hann beið.

Á heimleiðinni var komið við í Mjólkursamlaginu og heilsað upp á Auðhumlu. Listaverk í hlaðinu af mjaltakonu sem er að mjólka kú. Skemmtilegt verk og gaman að mynda.

Og svo var brugðið á leik...

 Og horft í átt að Súlum sem skörtuðu sínu fegursta og svo var haldið heim á leið.

Hafist var handa strax við heimkomu við að hræra vöffludeig. Þetta verður ekki betra, eða er það?

Fróðleikur dagsins: Sumt fólk talar í svefni, jafnvel þegar það sefur.

 

Vorverk

Vorið er komið og grundirnar ........ og allt það. Með hækkandi sól þarf að taka fram ýmis verkfæri og láta hendur standa fram úr ermum. Latur maður sagði ,, þess vegna er ég aldrei í stutterma bol¨. Ég er heppinn ég fékk hjálp.

En áður en byrjað er þá er víst betra að leggja línurnar hvernig á að gera. ,,Ungur nemur gamall temur". Já þetta byrjaði ágætlega ............... og 

 Sólpallurinn fékk þvott, gluggarnir einnig afi smá í tærnar enda illa klæddur. Jón Páll snéri máltækinu við ,,ungur nemur....." því hann mætti í pollagalla og kom inn í kvikk hjá ömmu á eftir þurr í lappir og alles. 

Í kvöld ætlum við feðgar að fara í Bogann og horfa á Stelpurnar okkar í Þór/KA taka á móti Breiðabliki í undanúrslitum A-deildar Lengjubikarsins. 

Gaman verður að sjá hvernig þessi viðureign fer. Þessi lið mættust fyrr í vetur en þá unnu Blikar. Marga lykilmenn vantaði þá í okkar lið. Nú vantar lykilmenn í bæði lið. Það mun án efa hafa jákvæð áhrif á okkar lið að Rakel Hönnudóttir er komin heim og leikur með.

Hvað um það. Ég verð með viðhaldið með mér og mun án efa smella villt og galið. Læt hér að lokum fylgja með mynd sem félagi minn tók af mér í aksjón. Gaman af þessu. En endilega drífið ykkur í Bogann og horfið á skemmtilega íþrótt. Leikurinn hefst kl. 18:00

Fróðleikur dagsins: Fullnæging svína varir í u.þ.b. 30 mínútur.

Eins og blóm í eggi

Vegna anna hefur farið lítið fyrir bloggi síðustu daga og verður svo enn um sinn. Er á kafi í vinnu sem líkur um næstu helgi þ.e. daginn eftir kosningar. Hef lofað því að skrifa ekki um pólitík á blogginu og er það ástæða þess að lítill tími gefst.

Hvað um það. Brá mér í Skagafjörðinn í dag. Fermingarveisla í ætt konu minnar. Hafði að sjálfsögðu með mér viðhaldið. Rétt neðan við Silfrastaði sá ég álftir sem ég  hugði mynda. Var rétt að ljúka við að skipta um linsu og stilla vélina þegar parið flaug á braut. 

Náði aðeins í skottið, stélið á þeim á hröðum flótta, ekki góð gæði en samt ég bara næ þeim síðar. 

Veislan fín og fermingarbarnið geislaði eins og blóm í eggi eða þannig. En dagurinn byrjaði þó hjá stráknum að staðfesta þetta allt í kirkjunni. Nú er hann Dagur Bjarki komin í tölu fullorðina manna. Hef reyndar aldrei skilið þetta ,,komin í tölu fullorðinna manna.....".

Hér er Dagur ásamt mömmu sinni, stóra bróðir og stóru systir. Flott fjölskylda. 

Þurfti að bregða mér fram í fjörð um daginn nánar tiltekið að Grund í Eyjafirði. Notaði tímann í leiðinni til að mynda hina fallegu kirkju. Þessi kirkja er á efa ein af fallegustu kirkjum landsins. 

 

 

 

 

 

 

 

 

 

 

 

 

 

Og séð framan frá

Já það er sama hvar á þessa byggingu er litið hún er falleg.

Á leiðinni aftur í bæinn smellti ég einni mynd af hesti einum sem smælaði framan í heiminn. Hann hefur greinilega áttað sig á því að ef hann smælar framan í heiminn þá smælar heimurinn framan í hann. Það gerði ég. Já hvað gat'ég annað gert þegar hann rak upp þennan líka hrossahlátur með sínu breiða brosi...?

Já það styttist í alvöru blogg. Þið bara haldið áfram að kíkja og hver veit nema ein og ein stutt færsla detti inn svona af og til. En eftir rúma viku þá dett ég örugglega í grírinn. 

Málsháttur dagsins: Enginn veit á hverri stundu gæfan gefst

 

 

Gleðilega páska

Málsháttur dagsins.............. í restina eins og venjulega

Páskadagur = kirkja kl. 13:00 þar sem m.a. dóttirin er að syngja með Æskulýðskórnum. Kaffi hjá Döggu og Jóa í dag og svo sameiginleg kvöldmáltíð í Lönguhlíðinni þar sem m.a. lang- afi og amma barnabarna minna verða einnig í mat. 

Ágætt að skipta þessu á milli manna. Fyrir ári síðan kom allur mannskapurinn saman hér í Drekagilinu og þá var þessi mynd tekin.

Og svo stilltu barnabörnin sér upp í myndatökur fyrir afa með páskaegg

Að öðru leiti mun þessi dagur líða eins og hver annar páskadagur, þið skiljið manni hættir til að vera tregur til að breyta hefðum  á þessum dögum. Á morgun tekur svo við vinna. Komin í tímabundna vinnu sem mun taka allan minn tíma fram yfir kosningar.

Að svo mæltu óska ég ykkur öllum gleðilegra páska með von um að þið njótið hans.

Málsháttur dagsins úr páskaeggi Palla: Það er erfitt að biðjast afsökunar, en það borgar sig

Er nauðsynlegt að skjóta þá?

Það er ekki svo langt síðan ég bloggaði um göngutúr minn niður við Ægissíðuna þar sem ég skoðaði menjar um þá tíð þegar menn gerðu út á grásleppu við Ægissíðuna. Vinkona mín tjáði mér um daginn að það hafi farið um sig hrollur er hún las bloggið. Hún bjó víst um skeið við Ægissíðuna og þótti það kuldalegur staður, sem og hún gæti ekki fyrir nokkrun mun endurnýjað þau kynni hvað sem á gengi. Hvað um það - ég læt þá hér staðar numið um þessa síðu sem kennd er við Ægi.

En ekki svo langt frá eða á nesinu að vestan þar sem ég staðsetti einhversstaðar á Seltjarnarnesinu stendur einn skúr sem notaður er við fiskverkun. Einhvern tíman hefur hangið þar hákarl, hver veit?

 

 

 

 

 

 

 

 

 

 

 

En í þessari sömu ferð notaði ég tímann til að skoða mig um hér og hvar, m.a niður við Reykjavíkurhöfn, Granda. Í slippnum er verið að skvera til hvalveiðibát og togara. Þeirra bíða verkefni þótt ólík séu. Annar (hinn minni) ku veiða með skutli stóra bráð en hinn stærri mun veiða minni fiska, að sumra mati smáfiska. 

Nú svo eru aðrir sem bíða átekta tilbúnir og aðrir sem eiga nokkuð langt í að vera klárir ef marka má af útliti þeirra. 

Maður spyr sig enn og aftur eins og Bubbi forðum ,,Er nauðsýnlegt að skjóta þá?" Ég veit ekki. Ég sveiflast í skoðunum. Stundum finnst mér það þjóðráð og í aðra röndina finnst mér það misráðið. Þannig er það bara. 

Hvað um það. Svo eru aðrir sem láta sér í léttu rúmi liggja hvort skipin veiða stóra eða smá fiska. Halla sér upp að næsta vita meðan þeir bíða spakir meðan eftir því hvort það bíti á hjá þeim. Toby eða hvað er notað gildir einu. Maðurinn er slakur og virðist ekki hafa miklar áhyggjur af lífinu. Tvær veiðistangir, lítill afli, skíta kuldi en útiveran greinilega að virka þarna hjá kappanum. 

Nú ég hafði einnig ekið um draugahverfi borgarinnar og til að sjá þær hörmungar
sem við blasa. Hús í hundraðatali hálfbyggð standa auð. Byggingakranar stopp og byrja brátt að ryðga fastir. Maður biður og vonar að ástandið fari að batna hið fyrsta. Ekki vil ég að borgin okkar verði að stærsta draugabæli landsins þrátt fyrir að þar búi mestur hluti þjóðarinnar.

 

 

 

 

 

 

 

 

 

 

 

 

Nú svo eru önnur hús sem mega muna sinn fífil fegurri og bíða örlaga sinna. Hvort örlög þessa  húss sem stendur inná milli reisulegra iðnaðarhús niður á Granda sé að verða gert upp eða rifið skal ósagt látið. En ljóst er að hvor örlögin sem það verða þá er ljóst að í dag eru engir peningar til hjá eigandanum að klára hvort sem verður ofan á. Læt ég svo bloggi mínu úr borgarferð minni lokið að sinni. Í næsta bloggi verður örugglega fjallað um eitthvað héðan úr norðrinu.

Að lokum er kannski bara vel við hæfi að birta eina mynd af systrunum (afa stelpunum) skælbrosandi enda eru þær að ganga í gegnum mikið breytingaskeið.Barnatennurnar detta og mikill spenningur að sjá nýju fullorðins tennurnar - smæl

Málsháttur dagsins: Prestlaus sveit er sem saltlaus matur

Góð skemmtun

Í kvöld brá ég mér í Bogann og horfði á leik Þórs og Breiðabliks í A- deild Lengjubikarsins í knattspyrnu karla. Leikurinn var hin ágætasta skemmtun og úrslitin þokkaleg. Vissulega hefði maður vilja sjá sigur hjá sínum mönnum en það verður ekki á allt kosið. Jafntefli var niðurstaðan 1-1 sennilega sanngjörn úrslit þegar upp er staðið. Gat ekki verið með myndavélina á lofti í kvöld þar sem ég var í hlutverki blaðamanns. Umfjöllun um leikinn er hægt að sjá á heimasíðu Þórs.

Í gær fórum við ,,gamla" settið á árshátíð hjá Glerárskóla og þar var boðið upp á margvíslega skemmtun. Krakkarnir klikkuðu ekki. Margrét Birta elsta barnabarnið okkar var þar í einu skemmti atriði þar sem hennar bekkur sýndi dans úr Grease. Maður var ferlega stoltur og rifjaðist upp fyrir manni þegar maður fór á slíkar skemmtanir þegar börnin manns voru í grunnskóla.

Hér er búið að greiða skvísunni og allt klárt.

Og þegar á sviðið kom klikkaði ekki neitt

Í borgarferðinni um daginn var myndavélin á lofti hér og hvar, nema hvað? Eitt af því sem vakti athygli mína var listaverk eitt sem er til sýnis í Smáralindinni. Þar er til sýnis líkan af Eiffel turninum sem smíðað er af Jóni Kristni Guðjónssyni. Líkanið er í hlutföllunum 1/60 og er 5,5 metra hátt og smíðað úr 300.000 eldspýtum. Listamaðurinn var í 5 ár að smíða gripinn. Já sjón er sögu ríkari og ég hvet alla sem hafa tök á að bregða sér í Smáralindina og skoða listaverkið. 

Fyrir þá sem vilja sjá fleiri myndir í fullum gæðum þá endilega kíkið á flickr síðuna mína slóðin er www.flickr.com/pallijo 

Fermingarveisla á morgun hjá vinafólki okkar. Þar sem gestgjafarnir vilja ekki horfa á veisluna í gegnum myndavélalinsu tók ég að mér að vera með myndavélina á lofti og ég lofa því að þar verður smellt hægri vinstri og engin sleppur, nema kannski ljósmyndarinn sjálfur. 

Málsháttur dagsins:  Þangað vill hver hníga sem hann er hallur.