Kaldbakur á siglingu á pollinum

Óhætt er að segja að það hafi verið líflegt við Pollinn í gær Sjómannadaginn. Sjómannadagurinn s.l. ár hafa verið heldur daufir hér norðanlands en nú varð skemmtileg breyting á. Í gær var hópsigling báta úr Sandgerðisbót þar sem Húni II fór fremstur í flokki. Honum fylgdu milli 30 og 40 smábátar af öllum stærðum og gerðum.

Já eins og ég sagði voru bátarnir af ýmsum toga sem sigldu á Pollinum í gær

Já sum fleyin voru skrítnari en önnur. Svo vor sum fleyin bara eins og gera mátti ráð fyrir

Svo var eitt fley sem bar stórt nafn. Nafnið hefur verið á togurum frá því 1947 þegar ÚA keypti sinn fyrsta síðutogara. Því næst var það sett á skuttogara sem smíðaður var á Spáni á 8.áratug síðustu aldar. Hef lúmskan grun um að fyrrum stýrimaður og skipstjóri eigi þennan myndarbát í dag. Gaman af þessu

ÝR EA

Aðalnúmerið í gær var hins vegar Húni II. Fallegt skip, smíðað í skipasmíðastöð KEA. Þessum bát kynntist ég fyrst þegar ég var á vertíð á Höfn í Hornafirði þá var hann gerður út þaðan og hét Haukafell SF.

Þótt ótrúlegt megi virðast þá var fremur fátt fólk sem lagði leið sína niður að sjó til að fylgjast með. Samt einn og einn.

Binni pabbi skýrir allt út fyrir syninum .......... já sonur hafði býr yfir hundrað hættum

Og gamla styttan ,,Litli sjómaðurinn" sem lengi stóð fyrir framan Búnaðarbankann er nú framan við Menningarhúsið Hof sem sumir kalla stærsta bryggjupolla í heimi.

Eftir var skroppið með þeim fullorðnu á rúntinn um bæinn og rent við í Brynju og keyptur ís, nema hvað

Fróðleikur dagsins: Margir sjómenn voru með gullhring í eyranu svo hægt væri að borga fyrir almennilega útför þegar þeir dæju.

Athugasemdir

[Brynjar Davíðsson, 9.6.2009 kl. 21:07]

Flottar myndir Palli,eins og þín er von og vísa.Sammála hvað fáir komu við og horfðu á þessi fallegu fley sigla.Svona ætti pollurinn að vera um hverja helgi,líf og fjör...

[Páll Jóhannesson, 10.6.2009 kl. 07:36]

Já Binni það er rétt svo ætti lífið á pollinum að vera.  Svo þetta með myndatökuna - takk, en það auðveldar þegar maður hefur nægt myndefni og skemmtilegt þá gengur vel.

[Hrönn Jóhannesdóttir, 11.6.2009 kl. 08:46]

Alveg geggjaðar myndir hjá þér ekki laust við að manni langi að koma norður þegar svona flottar myndir eru teknar úr heiðardalnum