Sjónarhæð var það heillin

Ekki kom svarið við spurningunni um hvert húsið er sem spurt var um né hvaðan myndin er tekinn. Húsið er Sjónarhæð og stendur við Hafnarstræti 63. Myndin er tekin af bílastæðinu neðan Samkomuhússins. Húsið er byggt árið 1901. Það ku hafa verið ensku trúboði að nafni Frederic Harry Jones sem lét reisa þetta hús. Hann stofnaði söfnuðu sem kenndur er við Húsið.

Ekki er öll vitleysan eins þó vitlaus sé eða mis. Á miðnætti s.l. fór ég út ásamt Rúnari Hauk félaga mínu og höfðum við viðhaldið okkar með. Lá leiðin út á Hjalteyri þar sem við hugðumst mynda norðurljósin. Eitthvað létu þau á sér standa en við félagarnir vorum þar útfrá þar til klukkan var að vera 03:00. Sonurinn á heimilinu lét þau orð falla að nú væru menn orðnir endanlega vitlausir. Það verður bara hafa það.

Skrapp í morgun ásamt Margréti Birtu í heimsókn í Seljahlíðina. Ég fór í karlaathvarfið til að aðstoða skipasmiðinn en Margrét Birta endaði í tölvunni með langömmu sinni og Ragnari Þór frænda sínum. Eitthvað þurftu þau að kíkja á leiki og myndir.

Peningamarkaðurinn á algjöru flippi þessa daganna. Engin veit hvað morgundagurinn ber í skauti sér ef hann á hlutabréf fé bundið í áhættusömu fjárfestingum. Sem betur fer er maður blessunarlega laus við að burðast með áhyggjur af sínu eigin peningum, ekki mikil hætta á að þeir rýrni mikið í bankabókum og digrum sjóðum. Vona samt að allt fari nú ekki til fjandans.

Að lokum minni ég ykkur á að til að sjá myndirnar stærri þá klikkið á þær til að fá þær í fullri stærð.

Málsháttur dagsins: Ekki fylgir ætíð bjargræðið burðum hraustum.

 

Athugasemdir

[Edda Agnarsdóttir, 18.3.2008 kl. 16:37]

Jamm varstu með getraun? Hún hefur farið fram hjá mér.

En þetta með peningana, ég veit ekki hvað skal segja, þetta er náttla bara brjálað, danska krónan komin 16 krónur var 11 í haust!

[Ólöf Jóhanna Pálsdóttir, 18.3.2008 kl. 16:43]

á ekki er að furða þótt syni þínum blöskraði þessi vitleysa. Maður situr ekki og bíður eftir að norðurljósin láti sjá sig . Heldur hleypur út þegar þau sína sig. Sem sagt þið gáfust upp á biðinni, enda sennilega ekki mjög þolinmóðir. Kannski gott annars sætuð þið þarna enn. 

[Páll Jóhannesson, 18.3.2008 kl. 16:47]

Mamma mín! reyndar sýndu norðurljósin sig pínulítið svo eiginlega bara til að stríða okkur. En samt sýndum við mikla þolinmæði og mynduðum tunglsljósið t.d fín ferð.

[Dagbjört Pálsdóttir, 18.3.2008 kl. 20:14]

Gat það verið að dóttirin væri komin í tölvuna hjá langömmu sinni, kemur ekki á óvart