En, hvað með bakarann?

Kristján Möller sem er vandaður maður í alla staði, er meiri maður eftir að hafa beðið umræddan mann afsökunar. Þetta er nokkuð sem allir menn þurfa að kunna gera þ.e.a.s. biðjast afsökunar. Ég bíð enn eftir því að þeir sem komu öllu þessu fjandans klúðri af stað, geri slíkt hið sama. Það er ekki boðlegt að menn haldi áfram að hengja bakara fyrir smið. Ég vil sjá umræddan verkfræðing sem og alla aðra sem að þessu klúðri komu í upphafi fara á skeljarnar og biðja þjóðina afsökunar. Fremstan í flokki vil ég sjá þá kumpána Árna M. Mathíesen og Sturlu Böðvarsson sem eru jú þeir valdamestu og ættu að axla ábyrgð enda þeir sem mestu hafa ráðið í þessu endemis klúðri, og hana nú.

Fróðleikur dagsins: Það er skammgóður vermir að pissa í skóinn sinn.

Kristján biðst afsökunar

Athugasemdir

[Ólöf Jóhanna Pálsdóttir, 22.9.2007 kl. 15:43]

Já það er nú það. Sumir eiga erfitt með að biðjast fyrirgefningar, þó þeir ættu að vita að þeir eru meiri menn af því. Nú svo eru þeir sem reyna að koma sínum misgjörðum á aðra og kunna ekki að skammast sín.

[Guðjón Guðvarðarson, 22.9.2007 kl. 17:12]

http://kri-tikin.blog.is/blog/kri-tikin/entry/316351

[Þórbergur Torfason, 22.9.2007 kl. 22:01]

Palli, Palli, Palli. Að vera bakari eða að vera bakaður, hver er munurinn. Kristján Möller bakaði þessa köku með Halldóri Blöndal og fleirum á síðasta kjörtímabili. Það var sífelld pressa að leysa vandann. Þegar kosningar nálgast og pressan eykst, verða atkvæðin dýr. Það gerðist í þessu tilviki og það er alveg eins Kristjáni að kenna eins og öðrum. Þessi ráðgjafi er bullandi sekur. Hann gefur sig út fyrir að vera verkfræðingur en hvað gerist? Hvað hefðum við gert sem gamlir sjóhundar ef átt hefði að vist okkur á þessari manndrápsfleytu? Allt þetta mál er eitt endemis klúður og ÖLLUM þingmönnum kjördæmisins til háborinnar skammar. Það er ekki eins og þessir menn séu að far í gegnum sínar fyrstu kosningar. Annað sem er þessum þingmannahópi til ævarandi skammar eru þessi dæmalausu Héðinsfjarðargöng. Ég fæ blóðbragð í munninn þegar mér dettur þessi þvæla í hug. Alveg hreint magnaður andskoti að Siglfirðingar skuli ekki einu sinni vera spurðir hvora leiðina þeir vildu fara. Allavega það var ekki hlustað á meirihluta Siglfirðinga þegar þessi leið til byggða var valin. Mig grunar að þarna hafi hagsmunir kaupmanna á Akureyri ráðið mestu.

[Högni Jóhann Sigurjónsson, 22.9.2007 kl. 22:27]

Þegar menn eru í koktelpartýum út í eitt þá er nebblega hægt að pissa í hann aftur um það leit sem fer að kólna í honum og svo skipta þeir bara við "einhvern" um skó og hrópa svo hátt og skýrt hún er búinn að pissa í skóinn sinn og svo er viðkomandi auðvitað látinn fara og fengin ný skúringakona Höfum við ekki séð þetta allt einhverntímann og einhverstaðar áður?

[Edda Agnarsdóttir, 22.9.2007 kl. 23:58]

Það er ekki sjens að klína Grímseyjarferjumálinu á aðra en ráðamenn í síðustu Ríkisstjórn - þeir eru allir ábyrgir.

Þórbergur, ekki reyna það einu sinni að sverta þá sem komnir eru til valda núna, allavega ekki fyrr en þeir hafa sýnt sinn verri helming. Það er argasti dónaskapur að  klína skít á Kristján án allra raka um hans þátt í viðkomandi máli. Þingið er ekki einu sinni byrjað með nýrri Ríkistjórn.

[Páll Jóhannesson, 23.9.2007 kl. 10:04]

Beggi minn! af því að ég veit að þú veist betur og er bara reyna æsa mig upp þá tek ég ekki orð þín um KLM sem góðlátlegt grín.

Ef Ufsa- kapteininn forðum daga hefði verið gómaður á hryggnum eitthvert sinni, þá hefði það verið jafn gáfulegt að reyna sækja mig blásaklausann hásetann til saka fyrir þann glæp - rétt eins og að saka KLM um að bera ábyrgð á kaupunum á þessum hripleka riðdalli. 

[Þórbergur Torfason, 23.9.2007 kl. 13:10]

Ég sé að bæði Edda og Palli eru gegnumsýrð af ekta framsóknargenum. Gleyma því jafnharðan sem gott er fyrir málstaðinn. Eruð þið bæði búin að gleyma því hver hélt flestar villtustu ræðurnar í þinginu vegna kaupa á nýrri Grímseyjarferju á síðasta kjörtímabili. Svoleiðis ræður telja í atkvæðum alveg sama hversu vitlausar og innihaldslausar þær eru. Þessu er öllu hægt að fletta upp í þingtíðindum og reynið ekki einu sinni að bera í bætifláka annars birti ég þetta bull alltsaman hér. Sona pressa þýðir að hinir vitleysingarnir fara í keppni um hver geti bullað mest og afleiðingarnar eru nú ljósar, handónýtt skip, handónýt stjórnun. Það sama gerist með Héðinsfjarðargöngin. Kapphlaupið um atkvæðin eru þessi. Heilu þingflokkarnir hlaupa, því miður ekki fyrir björg heldur í gegnum þau. áður en hlaupið byrjar eru þau orðin að nátttröllum.

[Páll Jóhannesson, 23.9.2007 kl. 14:27]

Beggi KLM og þingmenn landsbyggðarinnar vildu nýja ferju - ekki ruslahaugamat.

[Þórbergur Torfason, 23.9.2007 kl. 20:11]

Palli ég held að allir þingmenn hafi verið fúsir til að Grímseyingar fengju nýja ferju. Þetta var FYRSTA fleytan sem skoðuð var og flumbrugangurinn allt of mikill. Ég er alveg sannfærður um það að á bak við þessi kaup voru annarlegar hvatir eða eins og ég hef getið um áður, kapphlaupið um atkvæðin eða einhverjar enn annarlegri. Auðvitað vildu Grímseyingar ekki ruslabing fyrir ferju en af einhverjum annarlegum ástæðum var ekki tekið meira mark á þeirri kröfu en raun ber vitni. Svona brtist forsjárhyggjan í einni af sínum ljótu myndum.

Annars, hvernig líst þér á væntanlega Íslandsmeistara í meistaraflokki karla?

[Páll Jóhannesson, 23.9.2007 kl. 20:30]

Það er gott að þú sérð þetta ferjuklúður í réttu ljósi þ.e.a.s. klúðrið var og er hjá þáverandi stjórnarþingmönnum en ekki stjórnarandstöðuþingmönnum.

Mér líst betur á að Valsmenn innbyrði titilinn fremur en FH. Þótt ég hafi engar taugar í sjálfu sér til Valsmanna. Það er aldrei gott þegar sömu liðin taka hvern titilinn á fætur öðrum, því vona ég að Valsmenn nái að landa titlinum í ár frekar en FH.