Í dag er ég miðaldra karl sem trúir því enn að ......

1. 3 ára var að skottast við hund (Pollý) sem amma mín sáluga átti - endaði með því að kauði datt ofan af svölum á annarri hæð, að detta milli hæða átti eftir að endurtaka sig

2. Ég var logandi hræddur við sírenur og brunabíla til 10 ára aldurs.

3. Man eftir því að í fyrsta sinn er ég ætlaði í bíó var uppselt og ég spurði dyravörðinn hvort ég mætti ekki borga extra og sitja gólfinu, það gekk ekki eftir - svei attan Stjáni í bíó.

4. Enn þann dag í dag heilsar fólk mér á götu sem ég þekki ekki haus né sporð á,,,,,, held að ég sé svona frægur.

5. Prufaði að reykja fyrst þegar ég var 13 ára, reykti eins og strompur til 29 ára aldurs

6. Ég lét mig alltaf dreyma um að kela við allar stelpur hægri vinstri sem allt frá því ég man eftir mér...... stelpurnar voru hins vegar ekki eins hrifnar af mér.... þær vita ekki á hvað þær hafa farið á mis við .

7. 14 ára þegar pabbi sótti mig blindfullan niður í Bílaþjónustu sem Gvendur Gorra rak.... Palli var dálítið mikið skömmustulegur, hætti samt ekki fyrr en mörgum árum seinna að súpa  .

8. Ég er í dag miðaldra karl sem trúir því enn að stelpurnar sem ekki vildu kyssa mig í æsku hafi misst af MIKLU,,,,,,  afneitun, eða hvað?

Ef ég ætti að koma með tæmandi lista í þessum dýr þá er þetta aðeins fyrsti kafli af mörgum, meir seinna, kannski.

Fróðleikur dagsins: Af hverju er "skammstöfun" svona langt orð?

Athugasemdir

[Gunnar Th (IP-tala skráð) 12.7.2007 kl. 18:20]

Til hamingju með ammalið???????

[Edda Agnarsdóttir, 12.7.2007 kl. 20:37]

Frábært, góður þessi nr. 7 - það eiga flestir einhverja svona reynslu, þótt reynsla stráka sé svipaðri. Það voru einhverjir strákar sem skiluðu bróður mínum sem var þá 14 ára inn í forstofu áfengisdauðann og bönkuðu upp á og hlupu út, pabbi mátti draga hann inn fyrir dyrnar.