Gargandi snilld.

Gargandi snilld og ekkert annað. Nú er bara ná þeim í Laugardagshöllina aftur. Þegar þessir snillingar spiluðu í höllinni forðum var ég fjarri góðu gamni - í stofufangelsi hjá ,,gamla" Fíra sem ekki taldi stubbinn nægilega fullorðin til að sækja þessa kynngimögnuðu samkomu. Þetta kalla ég fréttir í lagi, og ef af verður þá ........Ó - jehhhhh.

Fyrri fróðleikur dagsins: Mark Twain fæddist árið 1835, sama dag og halastjarna Halleys birtist. Hann dó sama dag og hún birtist aftur, árið 1910.

Led Zeppelin að snúa aftur?

Athugasemdir

[Edda Agnarsdóttir, 28.6.2007 kl. 22:42]

Jaá nú líst mér á þig kallinn! Ég fór nebbilega á Led Zeppelin árið 1970 rétt tvítug, hafði ekki hlustað mikið meir á þá en í útvarpi áður en ég fór, en eftir þessa tónleika heillaðist ég af bárujárnsrokki.

[Páll Jóhannesson, 29.6.2007 kl. 00:01]

Smitaðist af þessum jarnkörlum í gegnum stóra bró en var farin að hlusta mikið á Zeppelín áður en þeir komu.  Aðdáun mín á þeirra tónlist hefur haldist síðan. Það sem meira er að tvö af mínum börnum 23 ára og 17 ára fíla þá í ræmur í dag og hlusta mikið á þá. Greinilegt að tónlist þeirra lifir enn.

[Þorsteinn Gunnarsson, 29.6.2007 kl. 01:15]

Já manni var nú kurteislega bent á það að á þessa tónleika hefði maður ekkert að gera og á þessu árum hlýddi maður jú ennþá svo því fór sem fór... 

Og það er nú eins og það er að þegar maður, að kveldi dags, situr á skörinni hjá himnaföðurnum og lítur yfir farinn veg þá verða það ekki hlutirnir sem maður gerði, sem maður sér eftir... heldur hinir sem maður gerði ekki

[Páll Jóhannesson, 29.6.2007 kl. 08:19]

Það er greinilegt að við eigum margt sameiginlegt t.d. þetta að hlýða foreldrum okkar í hvívetna