Súpufundur Þórs á morgun - allir að mæta.

Á morgun fimmtudag verður mikið um að vera í Hamri félagsheimili Íþróttafélagsins Þórs. Þá fer fram 13. súpufundur Þórs, Greifans og Vífilfells. Aðal og í raun eina málefni fundarins er skýrsla Þórdísa Gílsadóttur sem heitir ,,Hagrænt gildi íþrótta á nútíma samfélag". Aðal gestir fundarins eru fulltrúar stjórnmálaflokkanna í norðaustur kjördæmi. Höskuldur Þórhallsson frá Framsóknarflokki, Kristján ÞÓR Júlíusson frá Sjálfstæðisflokki,  Sigurjón Þórðarson frá Frjálslyndaflokki, Hörður Ingólfsson frá Íslandshreyfingunni, Lára Stefánsdóttir Samfylkingu og Dýrleif Skjóldal frá Vinstri Grænum.

Skora á alla sem hafa áhuga á þessu að mæta og taka þátt í umræðunum. Og ef að líkum lætur er óhætt að hvetja fólk til þess að mæta tímanlega til þess að ná góðum sætum.

Verð trúlega að fara vel að vini mínum Rúnari Hauk Man-Utd fan nr. 1 þegar við hittumst á morgun. Hef af því óljósar fréttir að eitthvað hafi hlutirnir ekki gegnið upp á þeim bænum í kvöld eins og til stóð að þeirra ósk.

Á morgun fellur dómur í hinu svokallaða ,,Baugsmáli" og þar með muni þessu stærsta og umfangsmesta dómsmáli Íslandssögunnar ljúka....... finnst eins og ég hafi heyrt þetta áður. Ætli verði endurákært - fellt niður, tekið upp togað og teygt og.......? Veit ekki með ykkur en ég er afar hugsi.

Fróðleikur dagsins: Læknar eru svo heppnir, að sólin skín á lækningar þeirra en mistökin eru grafnar þrjár álnir í jörðu.

Athugasemdir

[Edda Agnarsdóttir, 3.5.2007 kl. 10:19]

Og hvernig var svo súpan?

[Páll Jóhannesson, 3.5.2007 kl. 14:04]

Nánari fréttir af súpufundinum í kvöld

[Magnús Þór Jónsson, 3.5.2007 kl. 19:41]

Áfram Þór.  Ekki spurning, indælt fólk í þorpinu og ekki vafi á því að súpufundurinn hefur verið skemmtilegur!

[Kári Sölmundarson, 3.5.2007 kl. 23:19]

Hver er þessi Þór?

Er hann líka skyldur mér?

Afram Sindri !!!!

[Páll Jóhannesson, 3.5.2007 kl. 23:38]

Kári minn! við erum allir Þórsarar inn við beinið - enda allir með rautt blóð. Já hann er örugglega skyldur þér.

En hvernig er það hver er þessi Sindri? hann er ágætur líka.