Misnotkun, óvirðing eða ögrun?

Hvernig stendur á því að þetta mót verður ekki haldið á hinum nýuppgerða og glæsilega Þórsvelli? Finnst mönnum bjóðandi að halda þetta mót á Akureyrarvelli?

Þrátt fyrir þetta er undirbúningur að hefjast með því að mótið fari fram á Akureyrarvelli. Hverjir ætli standi á bak við þessar rangfærslur, UFA, UMSE, bæjaryfirvöld? gaman væri að fá svör við þessu. Alla vega hefur knattspyrnuvöllur Þórs allt frá upphafi heitið Þórsvöllur og á því hefur engin breyting orðið. 

Nú er mál að linni og ég krefst þess að þeir sem hlut eiga að máli leiðrétti þetta hið fyrsta og biðji Akureyringa og umfram allt okkur Þórsara afsökunar á þessari grófu misnotkun á nafni Þórsvallar.

Slagorð dagsins í dag er tileinkað þeim sem virðast nærast á því að storka fólki

Viljir þú vitur vera sestu þá niður og hlustaðu.

 

Stórmót í frjálsíþróttum á Akureyri 2010

Athugasemdir

[S. Lúther Gestsson, 10.11.2009 kl. 23:40]

Þarf ekki bara að gefa þessum annars ágæta velli eitthvað svona töff nafn eins og tíðkast annarstaðar. Til að mynda höfum við Vodafone völlinn, Egilshöllina, Vilhjálmsvelli.

Ég sting til að mynda upp á: Kreppuvellir, Hlaupabrautin eða Palla-tún.

[Páll Jóhannesson, 11.11.2009 kl. 08:32]

Lúther minn, Þessi nöfn sem þú nefnir eru öll góð og gild, málið er bara að völlurinn hefur heitið Þórsvöllur síðan 1975.  Þú skiptir ekki um nafn þótt þú farir í klippingu eða hvað?

[Gunnar Th. (IP-tala skráð) 19.11.2009 kl. 20:33]

Ætla ekki að hafa skoðun á málinu, aðeins að láta vita af mér og kvitta fyrir innlitið. Láttu ekki Feisbókina letja þig. Kv. GTh.