Þeir hljóta bjóða mér starfið..

Bíð spenntur eftir því hvort þeir á DV muni ekki hringja í mig og bjóða mér ristjórastarfið. Annað er óhugsandi. Reynir er með rák sem hann losnar seint við, og ég væri fínn í að spreyta mig á þessu. Tæki þetta í hjáverkum með ritstjórnarstarfinu á http://www.thorsport.is/.  

Frekar mikið að gera þessa daganna. Stíft fundað hjá okkur í Þór - undirbúa opið hús um hverja helgi, kjör íþróttamann Þórs 2008 undirbúa þrettándagleði og svo leikur gegn stórliði KR á morgun.

Í nótt kom hinn geðþekki Askasleikir til byggða. Hefur hann án efa verið gjafmildur eins og bræður hans. Á hins vegar eftir að heyra í barnabörnunum og taka púlsinn. Um Askasleikir var ort forðum daga.

 

Sá sjötti, Askasleikir,

var alveg dæmalaus.

Hann fram undan rúmunum,

rak sinn ljóta haus.

 

Þegar fólkið setti askana,

fyrir kött og hund,

hann slunginn var að ná þeim,

og sleikja á ýmsa lund.

 

Á morgun kemur svo Hurðarskellir. Já til er ágætis saga innan fjölskyldunnar sem barnabörnin kunna segja frá þ.e. þegar Hurðarskellir kyssti Grétu ömmu, það er önnur saga.

Málsháttur dagsins: Sá fer ekki sekur af þingi sem sjálfur dæmir

Athugasemdir

[S. Lúther Gestsson, 17.12.2008 kl. 18:54]

Usss mér líst ekki á þessi ritstjóraskipti, sorpblaðið myndi bara fyllast af myndum frá gömlum köllum sem spila með Þór og Man-city.

Enn ef af verður, myndi kannski verða sniðugt að ég kæmi með nokkra af mínum eitursnjöllum Íþróttabloggum?

[Páll Jóhannesson, 17.12.2008 kl. 20:08]

En pældu í því Lúther að ef blaðið fylltist af myndum af leikmönnum sem hafa leiki með Þór og Manhester City undir dyggri ritstjórn minnar  þá myndi blaðið strax breytast í 1. flokks blað.

En annars hefði verið bara svo gaman að geta sagt ,,nei takk ég starfa við svo hrikalega metnaðarfullan vefmiðil að mér dytti aldrei í hug að skipa - sorry strákar. 

[S. Lúther Gestsson, 17.12.2008 kl. 22:28]

Heyrðu já ég einhvernveginn náði ekki að festa augun við leikinn á morgun sem þú nefndir.

Fyrrverandi, núverandi og næstverandi meistarar eru sem sagt að spila við ykkur á morgun. Þið hljótið að vera upp með ykkur vegna þessa stórheimsóknar.

[Páll Jóhannesson, 17.12.2008 kl. 22:35]

Já við erum spenntir og munum taka vel á móti gestum okkar eins og sönnum gestgjöfum sæmir. Vissulega er á brattann að sækja samt höfum við enga minnimáttarkennd og gerum okkar besta. En KR er með besta liðið í dag og þannig er það bara.