Páll Jóhannesson

12.5.2008 | 10:35

Maður dagsins er Sölmundur Karl

Maður dagsins er alla jafna hæglátur. Ekki skaplaus, getur fokið í hann ef á þarf að halda en fer sparlega með það. Þykir nægjusamur, hefur sterkar skoðanir á lífinu. Einn af hans stórum kostum er að hann getur rökrætt um skoðanir sínar og annarra án þess að álíta sína skoðun þá einu réttu, kann að hlusta.

Þolir illa óréttlæti. Liðin sem hann heldur með leika aðallega í rauðum og hvítum búningum. Ekki nóg með að fótboltaliðin hans eru rauð og hvít heldur er Formúluliðið hans eld rautt. Hann notar skó nr. 42 ca grannvaxinn og meðal maður á hæð.

Ég endaði bloggfærslu gærdagsins með þessari spurningu ,, Hvað á maður dagsins á morgun og Hildur Vala fyrrum Idol stjarna sameiginlegt?". Engin hefur gert tilraun til þess að svara spurningunni, svo ég bæti örlítið við hana í dag og spyr ,,Hver er maður dagsins í dag og af hverju er hann maður dagsins?".

Nú þar sem svör eru komin við spurningu dagsins er vel við hæfi að skella inn mynd sem tekin var nú skömmu fyrir hádegið á afmælisdegi stráksins.

Þar sem veður er með ágætasta móti var lambalæri skellt á grillið. Með okkur á myndinni er Elín Alma.

Og þar sem allar gátur dagsins hafa verið leystar er vel við hæfi að benda fólki á að það er heitt á könnunni í Drekagilinu og eitthvað af tertum og brauði á boðstólnum.

Afmælisbarn dagsins er eins og þið kannski vitið ritstjóri á www.politik.is og stýrir þeirri síðu af miklum myndarskap. Af tilefni dagsins setti hann inn ritstjórnargrein . Góð grein hjá kappanum og skora ég á ykkur ágætu bloggarar að fara á síðuna www.politik.is og lesa greinina.

Málsháttur dagsins: Alls staðar er sá nýtur er nokkuð kann

Flokkur: Bloggar | Breytt s.d. kl. 14:59 | Facebook

Athugasemdir

Maður dagsins í dag er auðvita Sölmundur Karl. Hann er maður dagsins fyrir prúðmennsku, fallega framkomu og að raunum allt sem prýða má einn mann..... og svo fyrir að vera barnabarnið mitt.

Nafnið Sölmundur þýðir: Sá sem gætir hússins.

Ólöf Jóhanna Pálsdóttir, 12.5.2008 kl. 11:29

Það er rétt Sölmundur Karl er maður dagsins. En hvað ætli hann eigi sameiginlegt með Hildi Völu? og af hverju er hann valin maður dagsins á blogginu hjá mér í dag?

Páll Jóhannesson, 12.5.2008 kl. 11:31

Til hamingju með mann dagsins hann Sölmund. Veit ekki hvað hann á sameiginlegt með Hildi Völu en eitt veit ég að hann og einn góðvinur minn heitinn hann Ásgeir(Geiri hennar Gunnu Völu) eiga afmæli í dag. Kveðja frá trjáreitnum í Njarðvíkurborg

Hrönn Jóhannesdóttir, 12.5.2008 kl. 12:06

Já rétt er það - hann á afmæli í dag - blessuð kíktu í kaffi ef þú átt leið hjá.... Ég mun upplýsa síðar í dag hvað þau eiga sameiginlegt, þetta kom fram á gamla blogginu mínu fyrir margt löngu.

Páll Jóhannesson, 12.5.2008 kl. 12:12

Ég sit nú hérna og rökræði við þig og næ engu úr þér En það helsta sem mér datt í hug væri að þau ættu sama afmælisdag eða að þau hefðu bæði fæðst á Höfn kannski...... ? Eða bæði fæðst á elliheimili ....? Hlakka til að fá að vita hvað það er