Aldrei salt takk fyrir - ALDREI.

Atvinnubílstjórar (flutningabíla) kvarta sárann yfir því að þurfa setja keðjur undir bílana áður en ekið er í gegnum Akureyrarbæ. Þeir kvarta sárann yfir hálku á götum bæjarins og vilja láta salta göturnar svo þeir geti farið í gegn án þess að setja járnin undir, ja hérna - heyr og endemi. Ég vona að hér verði aldrei tekið upp þessi ósiður að salta götur bæjarins - ALDREI. Ég skora á þessa bílstjóra að haga bara akstri eftir aðstæðum og aka rólega í gegnum bæinn. Ekki er Akureyrarbær það stór að það geti sett stórt strik í vinnuplan þeirra að ef þeir aka eins og menn í gegnum bæinn. Svo eitt heillaráð í lokin - þeir eins og við öll hin, ættum að stinga farsíma helv... niður í vasann meðan á akstri stendur.

Þótti svolítið skondið að heyra Gest Einar lesa upp úr blöðunum í morgun þegar hann sagði eitthvað á þessa leið ,,Hér stendur í 24 (blaðinu) að u.þ.b. 30 bílar hverfa sporlaust á hverju ári..." Ég veit ekki með ykkur en ég hef aldrei vita til þess að bílar skilji eftir sig fótspor.... minn bíll skilur eftir sig hjólför - hvað með ykkar bíl?

Ég óskapaðist bísnarinnar öll yfir morgun kaffinu með konunni um að hvers vegna í ands.... allir þessir lottóvinningar sem hafa fallið Akureyringum í skaut á undanförnum vikum, en engin hjá mér. Konan leit á mig og sagði ,,hættu þessu væli maður og keyptu þér miða og þá skal ég hlusta á þetta væl í þér....."

Ég varð undir. Hélt út úr húsi og fór niður í Hamar félagsheimili Þórs enda föstudagur og þar hittist hópur Þórsara á hverjum föstudegi, málin rædd og leyst, drukkið kaffi, tippað, drukkið meira kaffi, hlegið, skipst á sögum línurnar lagðar. Þessar stundir eru gulls ígildi alger snilld.

Málsháttur dagsins: Margur hleypur langt fyrir lítinn ávinning.

Athugasemdir

[Jón Ingi Cæsarsson, 1.2.2008 kl. 20:27]

Akureyringar vilja ekki salt á götur. Það er meginlína sem við sem hér höfum búið lengi vitum. Saltsullið á götum höfðuðborgarinnar er verra viðureigna en hreini snjórinn okkar og jafnvel verra en klakinn sem verið hefur að undanförnu.

[Edda Agnarsdóttir, 2.2.2008 kl. 13:29]

Ég hef sagt það áður og segi aftur, þú átt fyrna gott að vera í svona góðum félagsskap með Þórsurum!

Það er líka af svo mikilli væntumþykju og virðingu sem þú bloggar um félagið þitt og starfið í kringum það.

[Páll Jóhannesson, 2.2.2008 kl. 18:16]

Salt - aldrei í mínum huga er ekkert að hálkuvörnum í bænum mínum bara hreint ekki neitt. En því miður eru ökumenn sumir hverjir hreinlega að fara á taugum. Menn verða bara haga akstri eftir aðstæðum það getur ekki munað öllu hvort maður er 5 eða 8 mínútur á áfangastað. En samkvæmt mælingum er maður venjulega á bilinu 5-10 mínútur að komast á milli staða á Akureyri að hámarki.

Edda! Íþróttafélagið Þór skipar háan sess í mínu lífi. Mikill hluti frítíma míns fer í að leggja hönd á plóginn við að efla félagið. Það er skýr stefna stjórna félagsins að þegar við höldum uppá 100 ára afmælið 2015 þá verði félagið skuldlaust og í fremstu röð á landsvísu á öllum þeim vígstöðum sem félagið er að berjast á.