Þetta er ekki einkamál Reykvikinga, bara alls ekki....

Samkvæmt skoðanakönnun sem birtist í Fréttablaðinu vill meirihluti þeirra sem tóku þátt í könnuninni að flugvöllurinn í Reykjavík verði áfram í Vatnsmýrinni. Þessi könnun er gerð meðal allra landsmanna - það er gott. Framtíð flugvallarins er nefnilega ekki einkamál Reykvikínga. Reykjavík er höfuðborg Íslands og á að þjóna landinu öllu á ýmsu sviðum, með öllum þeim kostum og göllum sem því fylgir. Því segi ég enn og aftur landsbyggðin öll verður að fá að taka þátt í ákvörgun um framtíð vallarins.

Og fyrst maður er farin að tala um málefni tengd flugi. Þá er það með ólíkindum að menn skuli þurfa ræða hvort staðsetja eigi eina þyrlu á Akureyri eður ei.....?  Að staðsetja eina þyrlu á Akureyri ætti ekki að þurfa ræða svo augljóst er nú það. Þetta er spurning um mannslíf - og þau eru ekki metin til fjár. Þessi ákvörðun má aldrei snúast um peninga, aldrei, hér er um mannslíf að ræða.

Fróðleikur dagsins er í boði Winston Churchill: Sumir menn skipta um flokk vegna sannfæringar sinnar. Aðrir skipta um sannfæringu vegna flokks síns.

Athugasemdir

[Rúnar Haukur Ingimarsson, 23.4.2007 kl. 17:53]

Maður bæra nær þessu ekki að það þurfi að ræða þetta með þyrlu(ur) sem yrðu staðsettar á Akureyri - þarf ekki nema heilbrigða skynsemi til að sjá það. En auðvitað eru auk þess fullt af rökum sem lærðir hafa komið með þar á meðal menn úr heilbrigðisgeiranum sem og flugmenn.

[Páll Jóhannesson, 23.4.2007 kl. 18:10]

Það er rétt Rúnar - sérfræðingarnir staðfesta það sem við höfum svo oft sagt i þessum málum.

[Þorsteinn Gunnarsson, 24.4.2007 kl. 01:37]

Já mikið óskaplega er ég sammála  þessu með þyrlu Norður og eins alltaf nauðsynlegt að lesa fróðleik dagsins. En ég er svo klikkaður að mér finnast Löngusker alveg æðisleg framtíðarhugmynd og helst að gera alvörubrautir þar með viðeigandi tengibrautum inn í vatnsmýrina. Kannski óraunhaæft en mér leiðast bara svona smáreddingar og að aldrei sé hugsað nema korter fram í tímann.

Kv. í heiðardalinn, Steini Gunn.

[Páll Jóhannesson, 24.4.2007 kl. 08:28]

Sæll Steini! jú ég gæti sætt mig við flugvöll á Lönguskerjum ef það er tæknilega hægt. Já það vill loða svolítið við okkur landann að hugsa aldrei nægilega langt.