Afmælisbarn dagsins

Fæðingarstofa í kjallaranum á elliheimilinu á Höfn í Hornafirði 12. maí 1984 kl. 11:18 leit hann fyrst dagsins ljós. Flutti með foreldrum sínum til Akureyrar tæpum 4 mánuðum síðar.  Grunnskólanám og síðar framhaldskólinn VMA og loks 1 1/2 ár í HÍ og loks 3 ár í Háskólanum á Akureyri. Lauk prófi með 1. einkun fyrir sléttu ári síðan með gráðuna Bakkalár. Starfar í dag sem sérfræðingur hjá stofnum Vilhjálms Stefánssonar. Auka vinna hans er sem fréttaritari www.thorsport.is þar sem hann skrifar um körfubolta og knattspyrnu kvenna hjá Þór. 

Afmælisbarn dags er prinsinn í Drekagili 4 Sölmundur Karl

Bakkalár - Sölmundur Karl

Við útskriftina í íþróttahöllinni júní 2009

Eftir útskrift ásamt systrum sínum

Þrjú af fjórum systkinabörnum sínum

Með ömmu og afa

Sölmundur er barnakarl þótt hann eigi engin sjálfur og hér er hann með yngsta systkinabarn sitt Hólmfríði Lilju. 

Eins og venja er til verður eitt og annað á borð borið í dag í Drekagilinu fyrir þá sem þangað leggja leið sína. Já hver veit nema afmælisbarnið komi tímanlega heim úr vinnu til að njóta kræsinganna?

Málsháttur dagsins: Betra er að vera ógiftur en illa giftur

Athugasemdir

[Ólöf Jóhanna Pálsdóttir, 16.5.2010 kl. 17:23]

Leitt að ég komst ekki í afmælið hans Sölla. Ekki vegna kræsinganna heldur vegna hans sjálfs þessa yndislega og ljúfa drengs. En flensur spyrja víst ekki um tíma, þær koma bara þegar þeim sýnist svona ótilkvaddar. Máltækið sem þú settir neðst á síðuna er gott og gilt. Og hann Sölli anar nú ekki að neinu, enda bara besta mál. Hann fer sér gætilega að öllu. Flottur strákur sem ég á dálítið mikið í. Til hamingju með hann Palli minn.

[Gunnar Th (IP-tala skráð) 25.5.2010 kl. 07:38]

Til hamingju með soninn. Tíminn virðist vera farinn að tikka óþægilega hratt núna, og frumburðurinn okkar verður 27 ára þann 15 júní. Hann verður reyndar langt frá foreldrunum, enda búsettur úti í London við nám.

Það var frábært veðrið á Akureyri í gær, annan í hvítasunnu. Kom í bæinn um kl. 14 og var farinn tæpum klukkutíma síðar. Renndi út Drottningarbrautina, upp Þingvallastrætið allt upp í Hlíðarfjall (að malargryfjunum) Sneri þar og ók niður að Bakaríinu við brúna þar sem tekinn var sopi og snúður. Því næst var kíkt á smábátahöfnina (og á nafna minn, trilluna Gunnar) og á jarðýtusafnið! Við félagar vorum svo komnir í steikarpottinn á Þelamörk rétt fyrir kl. 15.

Heils úr Kópavogi.