Páll Jóhannesson

15.3.2009 | 00:17

Vanda þarf til verka og hafa skipulag í lagi

Brá mér á fimleikamót á föstudag sem haldið var í íþróttahúsi Glerárskóla. Það var ágætis skemmtun og þó kannski sérstaklega fyrir okkur þar sem afastelpurnar mínar Margrét Birta og Elín Alma voru að keppa í sinni fyrstu fimleikakeppni.

Mikil gróska er í fimleikum hér á Akureyri og er svo komið að félagið getur ekki vaxið vegna þrengsla í hinu litla íþróttahúsi Glerárskóla. Þetta stendur til bóta þar sem verið er að byggja nýtt hús sem mun verða sérhæft fyrir fimleika.

En að keppninni. Þetta var þeirra fyrsta keppni og stóðu þær sig með miklu prýði. Ekki laust við að afi og amma hafi verið pínulítið mikið stolt.

Hér eru þær systur á jafnvægis slá í upphitun.

Margrét Birta á tvíslá keyrði það prógram af öryggi....

Og endaði með stæl.

Og litla systir hún Elín Alma ekki var hún síðri en stóra systir öryggið uppmálað

Og hér var endirinn eigi síðri - glæsilegt ekki satt?

Ég veit svo sem ekki hvort það er smæð hússins um að kenna en mér fannst talsvert vanta upp á skipulagið á mótinu. Mótið hófst aðeins og seint miðað við upphaflega tímaáætlun en fór nærri hálfan annan tíma fram úr áætlun. Það er óásættanlegt og þurfa skipuleggjendur að huga að því að vanda þarf til verka við skipulagningu. Hvort tveggja erfitt fyrir keppendur sem og áhorfendur.

Hvað um það mér var skemmt og á án efa eftir að fara á fleiri slík mót sem barnabörnin taka þátt í. Margrét Birta og Elín Alma takk fyrir skemmtunina.

Málsháttur dagsins: Ekki eru þeir allir ræðarar sem árina bera.

Flokkur: Bloggar | Facebook