Páll Jóhannesson

25.10.2008 | 18:54

Að bera í bakkafullan lækinn

Jæja þá er fyrsta hret vetrarins búið að berja landann. Ég er að sjálfsögðu að tala um hret í skilning þess orðs veðrið. Hretið í gær fór mildum höndum um okkur Akureyringa a.m.k. Dimm él tiltölulega lítil ofan koma svo í dag er bærinn hvítur og fallegur. Í dag var bílaplanið okkar rutt í fyrsta sinn á þessum vetri. Örugglega ekki í síðasta sinn. Svona var umhorfs þegar ég rak út nef og lagði upp í smá bíltúr með konunni á aðra hönd og viðhaldið í fanginu.

Var búinn að lofa ykkur að fylgjast vel með uppbyggingunni í Krossanesi þar sem nú er að rísa Aflþynnuverksmiðja. Ítalir seldu þetta og nú byggja þetta og eiga Þýskir. Þar sem ég stend á hæðinni ofan og sunnan við Krossanes horfi í norðaustur. Svona líta framkvæmdirnar út í dag.

Hvað ætli sé í baksýn? Súlur nema hvað svona líta þær út héðan séð.

Færði mig upp í hverfið ofan við Krossanes þar sem mörg fyrirtæki hafa byggt upp á síðustu árum. Iðnaðarhverfið í Krossanesborgum þar sem svo margir bæjarbúar vildu byggja íbúðir. En hvað um það sjáið sjónarhornið héðan að Súlum.

Takið eftir á myndinni er blokk með súlum / turnum, sem og kirkjuturninn á Glerárkirkju. Blokkin þarna með turnunum / súlunum er teiknuð af konu sem er fræg fyrir að hafa turna og súlur á öllum sínum byggingum komi hún því við. Nú hún á ekkert í Glerárkirkju þrátt fyrir að þar sé turn. Kannski var þetta að bera í bakkafullan lækinn með að birta enn eina myndina af Súlum? ætli þetta sé að verða að þráhyggju....... hver veit?

Svo verður slappað af í kvöld fyrir framan sjónvarpið það er alveg á hreinu. Að lokum óska ég frænda mínum honum Jóhannesi Óla og kærustunni hans til lukku með dótturina, sem þeim fæddist í gær. Og í dag hefði hún amma mín sáluga orðið 96 ára ef hún hefði lifað. Blessuð sé minning hennar þessara miklu konu sem í daglegu tali var kölluð ,,Drottningin" af svo mörgum sem hana þekktu.

Málsháttur dagsins: Hnýsnin hefur augun bæði í bak og fyrir

Flokkur: Bloggar | Breytt s.d. kl. 21:28 | Facebook