Allir út að aka með bros á vör og ekkert múður.....

Væri ég stuðningsmaður Arsenal hlyti ég að vera brjálaður vegna þessara úrslita. Þvílíkir yfirburðir Arsenal yfir gestunum frá Liverpool. Liðsmenn Liverpool sem voru eins og áhorfendur á þessu leik hljóta líta á þetta jafntefli sem stórsigur. En hvað um það Lundúnaliðið Arsenal á eftir að fara á Anfield og það verður bara sætara fyrir þá að klára rimmuna þar.

FSu er komið í úrvalsdeild, það hljóta að vera talsverð tíðindi í Íslensku íþróttalífi. Liðið er einungis  þriggja ára gamalt sem gerir þetta enn glæsilegra. Greinilegt að Brynjar Karl er að gera flotta hluti, ekki það að menn hafi ekki vitað fyrirfram að þar er snjall þjálfari á ferð.

Enn halda menn áfram að mótmæla háu eldsneytisverði á Íslandi. Þó rak mig eiginlega í rogastans þegar upplýst var í fréttum í gær að álögur á eldsneyti hér á Íslandi er með því lægsta sem gerist á norðurlöndunum og þótt víða væri leitað, hvað eru menn að væla. Allir út að rúnta og ekkert múður.

Vinn að fullu við að koma á tónleikum sem körfuboltadeild Þórs mun standa fyrir og eru áætlaðir 20. apríl. Þar munu leiða saman hesta sína eða raddbönd Álftagerðisbræður og ,,Konnararnir" þá verður gaman. Tónleikarnir eru haldnir í tilefni þess að 50 ár eru frá stofnun körfuknattleiksdeildar Þórs. Fundur þar að lútandi í hádeginu í dag.

Smíði líkans þess fullorðna af Snæfellinu EA 740 er nú nánast lokið. Skipið verður varðveitt á nýja matsölustaðnum Friðrik IV. Það er og verður vel við hæfi þar sem veitingastaðurinn er í gömlu húsi sem KEA átti og það sem meira er að Snæfellið var smíðað þ.e. orginalinn í skipasmíðastöð KEA. Einungis á eftir að setja saman glerkassa utan um listaverkið.

Málsháttur dagsins: Fátt er svo ónýtt að til einskis sé nýtt.

Arsenal og Liverpool skildu jöfn, 1:1

Athugasemdir

[Runólfur Jónatan Hauksson, 3.4.2008 kl. 20:49]

Palli minn hér kemur þú inn á Nallana mína. Því miður fór leikurinn eins og hann fór. Öfugt miðað við að Arsenal voru skárri aðilinn.

Í röðum FSu er ungur drengur sem er efni í stjörnu í körfunni. Sá heitir Hilmar Guðjónsson,,,Huldu Laxdal Hauks..... Gaman að fylgjast með honum á vellinum. Sá nokkra leiki sem hann spilaði með Sindra. 

[Páll Jóhannesson, 3.4.2008 kl. 20:52]

Gaman að vita af stráksa þarna. Ef hann verður í FSu næsta tímabil þá fæ ég vonandi að berja hann augum þegar þeir heimsækja okkur til Akureyrar. Gott hann valdi körfubolta - það er sko íþrótt sem skorar feitt.