Fullkomin daqur

Óhætt að fullyrða að þessi dagur er nánast fullkomin hjá mér. Verð samt að játa að ég var talsvert stressaður þegar ég settist niður til þess að horfa á leik Manchester liðanna Utd. og City. Er þetta síðari viðureign þessara liða á þessari leiktíð. City menn unnu fyrri leikinn 1-0 og flestir veðjuðu á sigur litla liðsins í Utd. Stressið hjá mér reynist óþarft með öllu. Manchester City kom sá og sigraði granna sína afar sanngjarnt 1-2. Sigurinn var eins og ég sagði sanngjarn og er greinilegt að City menn eru að ná sér á skrið eftir frekar dapurt gengi í undanförnum leikjum. En ég tek undir orðs félaga míns sem ég hitti á körfuboltaleik í dag, sem jafnfram heldur með Utd. hann sagði ,, mínir menn mættu bara ofjörlum sínum í dag" góður.

Strax að loknum leik Manchester liðanna fórum við feðgar ásamt Jóhanni tengdasyni upp í íþróttahúsið við Síðuskóla og horfðum á okkar menn vinna sætan sigur í liði Stjörnunnar úr Garðabæ. Þór tefldi fram nýjum erlendum leikmanni Robert Reed að nafni sem er enskur landsliðsmaður. Stór og sterkur strákur sem trónir 210 cm upp í loftið þegar hann stendur í báða fæturna. Flottur leikur hjá mínum mönnum og við þokum okkur upp stigatöfluna.

Strax að leik loknum brunuðum við í Lönguhlíðina þar sem boðið var upp á kjötbuff með spæleggjum og öllu því sem við á að eta. Frábær matur eins og von og vísa er þegar Dagbjört og Jóhann eiga hluta að máli, takk fyrir mig.

Gærkvöldið rólegt, Spaugstofan klikkaði ekki frekar en fyrri daginn. Laugardagslögin, svona lala. Sáttur við að lagið hennar Svölu skildi detta út enda drepleiðinlegt. Kvöldið hefði fullkomnast ef lagið hans Barða hefði líka dottið út, drottinn minn dýri, kræstur hvað það sökkar feitt.

Niðurtalningin heldur áfram, spenningurinn eykst og London ......

Fróðleikur dagsins: Ferdie Adoboe setti heimsmet þann 28. júlí 1983 þegar hann hljóp 100 metrana á 12,8 sekúndum… afturábak.

Athugasemdir

[Ólöf Jóhanna Pálsdóttir, 10.2.2008 kl. 23:41]

Til hamingju með leikina.

[Hrönn Jóhannesdóttir, 11.2.2008 kl. 11:23]

Sammála með laugardagslögin hefði alveg verið sátt ef Barði hefði líka dottið út vægast sagt leiðinlegt lag svo ekki sé meira sagt Jæja komin í sumarfrí og farin að pakka niður eftir tvo sólarhringa veðrum við um það bil að lenda í London í sól og sumaryl Sjáumst innan skamms.

[Páll Jóhannesson, 11.2.2008 kl. 12:01]

Já þetta er allt að skella á

[Edda Agnarsdóttir, 12.2.2008 kl. 13:15]

Laugardagslögin! Hvað er það?

Til lukku með knöttinn - þetta er líka mitt lið!