Frelsi

Er einn af þeim sem hef gaman af jólaskrauti - og það miklu. Svo einkennilegt sem það kann að virðast þá er það svo, að þegar maður hefur tekið niður allt dótið, pakkað því saman, sett í kassa og uppá loft, er ekki laust við að maður fái einhvers konar frelsistilfinningu. Eftir rúman mánuð er eiginlega komið nóg. Nú getur maður farið að láta sér hlakka til vorsins. Fylgst með sólinni hækka á himni með degi hverjum. Og það sem meira er maður fer bara telja niður til næstu jóla.

Bikarhelgi í enskaboltanum þar sem mínir menn gerðu markalaust jafntefli við lið West Ham á útvelli. Þurfa þeir því að mæta þeim í næstu viku aftur og þá á City of Manchester Stadium. Mínir menn í Þór fóru suður og öttu kapp við bikarmeistara ÍR í úrvalsdeildinni í körfubolta og þurftu að láta í minni pokann, greinilegt að það eru ekki alltaf jólin, enda nýbúinn.

Las frétt að tveir ökumenn hafi verið teknir á 115 km. hraða á Laugarveginum, maður spyr sig hvenær er svo lítil umferð um þennan göngustíg sem bíður uppá þvílíkan akstur? En svona akstur er á engan hátt hægt að réttlæta, gera bíla þessa ökuníðinga upptæka, strax.

Málsháttur dagsins: Einhvern tíma brennir sá sig sem öll soð vill smakka.

Athugasemdir

[Anna Bogga (IP-tala skráð) 8.1.2008 kl. 09:09]

Sammála þér með jólaskrautið frændi en mikið langar mig ekki að taka ljósin niður......það er svo mikið myrkur

[Gunnar Th. (IP-tala skráð) 12.1.2008 kl. 13:41]

Nei, það er þannig að Laugavegurinn og Suðurlandsbrautin mætast um Kringlumýrarbrautina. Þeir eru að taka þessa Schumachera á kaflanum frá gömlu mjólkurstöðinni og inn að Kringlumýrarbraut.