Hann er besta skinn

Sannkölluð körfuboltaveisla í íþróttahúsinu við Síðuskóla í dag.  Veislan hefst með því að konurnar í 1. deildarliði Þórs taka á móti stöllum sínum í Snæfelli og hefst sá leikur kl. 17:00. Svo kl. 19:15 hefst leikur úrvalsdeildliða Þórs  og Grindavíikur í Iceland Express deildinni. Þó gæti verið að þetta riðlist allt vegna látanna í veðrinu. Hvet fólk til þess að mæta á völlinn og horfa á skemmtilega íþrótt.

Samkvæmt venju hóf ég daginn með því að hitta félagana í morgunkaffi í Harmi. Samkvæmt venju góð stund með góðum félögum.

Í nótt kom þriðji jólasveinninn til byggða jólasveinninn sem beittur hefur verið andlegu ofbeldi í gegnum tíðina, jafnvel af sinni eigin fjölskyldu. Blessaður karlinn hann Stúfur. Um hann er sagt

Stúfur hét sá þriðji, stubburinn sá. Hann krækti sér í pönnu, þegar kostur var á. Hann hljóp með hana í burtu, og hirti agnirnar, sem brunnu stundum fastar við barminn hér og þar.

Takið vel á móti honum eins og bræðrum hans þetta er örugglega hið besta skinn.

 

 

Fróðleikur dagsins: England er minna en Nýja England.

Athugasemdir

[Egill Andrés Sveinsson, 14.12.2007 kl. 18:03]

sæll

Heldurðu nokkuð að við megum eiga von á 13 stórviðrum um landið fyrir þrettándann, datt þetta nú bara í hug af því þriðji jólasveinninn, hann Stúfur kemur sama dag og þriðja lægðin.  Þeir gætu verið farnir að skipta um hrekki nú þegar lifnaðar hættir okkar eru að breytast.

[Páll Jóhannesson, 14.12.2007 kl. 18:22]

Góður Egill - það skildi þó ekki vera, hver veit?

[Páll Jóhannesson, 14.12.2007 kl. 22:31]

Runólfur minn! skammtíma minni þeirra er löngu fokið út í veður og vind