Stórleikur í kvöld allir á völlinn!

Óhætt að segja að það hafi verið fljúgandi hálka á götum bæjarins í morgun. Þess vegna hafði ég ÖRLITLAR áhyggjur af Sædísi - hún var á leið í verklega bílprófið. Skemmst er frá því að segja að hún flaug í gegnum prófið villulaust og með glans. Ég átti í raun ekki von á öðru enda með eindæmum klár stelpa. Til hamingju með þetta Sædís mín.

 

Skora á alla sem hafa tök á að mæta í íþróttahús Síðuskóla í kvöld kl. 19:15 og sjá úrvalsdeildaleik Þórs og Njarðvíkur. Þór vann fyrsta leik vetrarins á heimavelli fyrir viku síðan gegn bikarmeisturum ÍR. Vonandi ná þeir að fylgja því eftir í kvöld. Þá er gaman að geta þess að Óðinn Ásgeirsson leikmaður Þórs var að mati flestra besti leikmaður fyrstu umferðarinnar, vonandi nær hann að fylgja þessari góðu byrjun eftir í kvöld og svo það sem eftir lifið vetrar.

Málsháttur dagsins: Sá sem rétt gerir hefur rólega samvisku.

Athugasemdir

[Hrönn Jóhannesdóttir, 18.10.2007 kl. 23:20]

Hæ og til hamingju með dótturina já hún er klár stelpan er þetta ekki bara í ættinni? Jæja veit að þú hvattir þína menn duglega gengur betur næst hjá þeim og vonandi okkar mönnum líka. Alla vega sigraði annað liðið sem ég held með og hvet. Bið að heilsa í bæinn. Kveðja Suðurnesjamenn. Áfram UMFN

[Anna Bogga (IP-tala skráð) 19.10.2007 kl. 00:36]

Til hamingju með nýja bílstjóran

[Páll Jóhannesson, 19.10.2007 kl. 00:39]

Já satt er það þessi kláru gen liggja þú veist hvar

Svo þetta með leikinn - þetta kemur næst