Borgarbúar eitthvað að misskilja þetta

Mikið hefur verið rætt um skrílslæti í Reykjavík á undanförnum misserum, þar sem ekkert virðist ráðast við ofbeldisfulla og snarbilaða borgarbúa. Venjulegt fólk virðist vera í lífshættu af því einu að hætta sér í 101 eftir að rökkva tekur.

Það hefur vakið athygli mína að til er veruleikafirrt fólk sem heldur því blákalt fram að reykingabann á skemmtistöðum sé ein af aðal ástæðum þess að fólk missir stjórn á skapi sínu og misþyrmir samborgurum sínum sér til skemmtunar.

Þegar ég las einhvers staðar að Reykjavík væri ,,Grænasta" borg í heimi var mér hugsað til þess að þarna væri trúlega orsökin fyrir þessum ólátum borgarbúa komin. Eitthvað hafa þeir misskilið hvað það er að búa í ,,grænni" borg. Getur verið að þar með hafi frummaðurinn (apinn) í borgarbúum verið vakinn til lífsins? Það er ekki ólíklegt því í þeirra heimi þ.e.a.s. frummannsins og apans gilda hin einu og sönnu frumskógarlögmál.

Nú er bara vona að þessi góði Villi fari nú að koma einhverju öðrum lit á borgina svo að lífið þar geti færst í mannsæmandi horf að nýju. Þá vona ég að Akureyrarbær reyni ekki á nokkurn hátt að verða sér úti um slíka vottun. 

Fróðleikur dagsins:  Börn fæðast án hnéskelja. Þær myndast ekki fyrr en við 2-6 ára aldur.

Athugasemdir

[Þórbergur Torfason, 28.8.2007 kl. 23:32]

Palli minn þetta eru ekki snarbilaðir ofbeldisfullir borgarbúar. Þetta er eins og á Akureyri, þetta eru aðkomumenn.

[Páll Jóhannesson, 29.8.2007 kl. 14:36]

Já ætli það sé ekki nokkuð til í því hjá þér?