Valgerður var geðvond og pirruð ....

Í dag áttust stjórnmálaflokkarnir  í norð/austur kjödæminu við í þættinum ,,Kosningar 2007 - Kjördæmin"  þar sem öll framboðin sendu oddvitana sína - nema Sjálfstæðisflokkurinn. Hvað ætli valdi því að Sjálfstæðisflokkurinn sendi ekki oddvitann sinn? getur verið að hann hafi óttast óþægilegar spurningar t.d. svara fyrir það loforð sem hann gaf Akureyringum fyrir réttu ári þess efnis að hann væri ekki á leið á þing...... skildi þó ekki vera?

Sjálfstæðismenn sendu mann sem situr í 4 sæti listans og kom á daginn að hann átti erfitt uppdráttar, enda greinilegt að maðurinn hefur ekki fylgst með í landsmálapólitíkinni, hann var algerlega utangátta - falleinkun.

Sigurjón Þórðarson Frjálslyndum hafði og hefur ekkert til málanna að leggja annað en kvótakerfið - sem hann vill breyta - en bara veit ekki hvernig - hann hefur engar lausnir - slakur.

Íslandshreyfingin - engin stefnumál enda ekki gefist tími til að móta neina stefnu - vorkenndi manninum sem vissi í raun aldrei hvað hann átti að segja - Greyið.

Steingrímur J. frá VG stóð sig með ágætum það vantar ekki að hann veit hvað hann vill ekki en - en veit ekki hvað hann vill, mælskur, skemmtilegur á að hlusta en má ekki komast til valda.

Kristján L. Möller Samfylkingu stóð sig best að mínu mati. Hann kom vel á framfæri hvað Samfylkingin vill gera. Hann þjarmaði hressilega að Valgerði Sverrisdóttir Utanríkisráðherra, sem vissi aldrei í þættinum í hvorn fótinn hún átti að stíga og var í raun og veru eins og sannur Utann - ríkis - ráherra.

Valgerður Sverrisdóttir virkaði úrill, geðvond rétt eins og hún hafi ekki fengið nægan svefn að undanförnu og er að mínum dómi maður dagsins ef við byrjum að telja neðan frá. Kristján Möller setti hana í óþægilega stöðu aftur og aftur og duldist engum að Valgerður hefur slæman málstað að verja. Verður gaman að fylgjast með því hvernig Sjálfstæðismenn taka á því að þeim tókst að fá Valgerði til að svara því játandi að Sjálfstæðismenn hafi beygt Framsóknarflokkinn til að svíkja loforð - gaman gaman nú er Framsókn komin í skotgrafirnar. Valgerður var mikið pirruð í dag - er nema von þessi flokkur veit ekki fyrir hvað hann stendur og hefur aldrei vitað það og það segir allt sem segja þarf.

Fróðleikur dagsins: Ef þú tortryggir mann skaltu ekki ráða hann. Ef þú ræður mann skaltu ekki tortryggja hann.

Athugasemdir

[Rúnar Haukur Ingimarsson, 29.4.2007 kl. 20:05]

Möllerinn bestur - getur verið að það hafi eitthvað með skoðanir þínar að gera ? Ne segin nú bara svona :-)

En kanski eins gott að hann er að standa sig svona vel en þá er spurningin hver ber sök á því að Samfó er rétt að hanga í almennilegri rauðvíns% - Skildi þó ekki vera arfaslakur formaður sem er að eyðileggja ??

[Páll Jóhannesson, 29.4.2007 kl. 20:28]

Við skulum bíða og sjá hvaða styrkleiki það verður á Samfylkingunni þegar upp verður staðið - stóra könnunin 12. maí er það sem telur.

[Gunnlaugur Stefánsson, 29.4.2007 kl. 21:19]

Þetta er ótrúleg færsla. Stóð Kristján Möller sig vel??? Kristján Möller var arfaslakur og hefur alltaf verið úti á túni í þessari kosningabaráttu og árangurinn mun verða eftir því.  Einn þingmaður á Samfylkinguna, kanski slefar Einar inn.

[Páll Jóhannesson, 29.4.2007 kl. 21:30]

Gunnlaugur! Þetta er bara sanngjörn færsla hafir þú séð þáttinn þá getur þú ekki verið annað en sammála mér - annars hlýtur þú að vera úti á túni

[Helgi Már (IP-tala skráð) 30.4.2007 kl. 00:48]

Ég sá nú ekki að Kristján hafi verið einhver yfirburðamaður en ljóst er að hann og Steingrímur kunna að tjá sig. Íslandshreyfingin kom ágætlega út ( langar þó að vita hvaða maður þessi Hörður er?) , Valgerður er bara eins og hún er og Sigurjón var ágætur... Mest kom mér á óvart hann Þorvaldur, það hefði eflaust verið betra fyrir sjálfstæðismenn að láta Kristján standa við sitt og hafa einhvern annan á toppnum!
Þó bendi ég á að tölurnar hljóta að tala sínu máli og það verður skemmtilegt að fylgjast með kosningunum í vor!

[Páll Jóhannesson, 30.4.2007 kl. 08:31]

Helgi minn! einu tölurnar sem tala sínu máli eru þær sem við komum til með að sjá að loknum kosningum, ekki satt?

[Helg Már (IP-tala skráð) 30.4.2007 kl. 10:59]

Það er alveg hárrétt enda sagðist ég hlakka til að fylgjast með kosningunum í vor þar sem tölurnar munu birtast, kannski var þetta ekki nógu skýrt orðað hjá mér. Þess má geta að þessar kannanir fyrir kosningar gefa oft ágæta mynd af hug þjóðarinnar ÞÓ að hún sé alls ekki endanleg eða gefi 100% rétta mynd af endanlegri niðurstöðunni þannig að samfylkingin getur ennþá verið róleg og e.f.t.v. reynt að herja á fleiri heldur en Jónínu Bjartmarz ;)