Ótrúlegt en satt

 

Sjáið þessa fegurð..... er nema von að maður viti varla hvað maður eigi að segja.  Þessi ungi maður (ekki pólverji þrátt fyrir húfuna) er orðin árinu eldri en á sama tíma í fyrra. Skrítið. Sumir segja að maður sé ekki deginum eldri en maður vill vera og svo skemmi það ekki að eiga góða maka. Það á nú greinilega við hjá þessum skötuhjúum. 

Fyrir réttu ári hélt hann upp á 50. afmælisdaginn sinn og gerði það í London. Þá átti ég og kona mín þess kost að dvelja þar með Gústa og Hrönn. Það var algerlega ógleymanlegir dagar. Ég vissi að þau væru skemmtileg úr hófi fram svo það kom í sjálfu sér ekkert á óvart að ferðin var snilld. 

Meðan á dvöl okkar í London stóð var margt brallað. Gústi tók í spil í góðum félagsskap.  Enda ekki á hverjum degi sem maður verður 50 ára og hittir svona snillinga. 

Sumir voru jú afturgegnir eða þannig. 

Hvað um það Gústi mágur minn á sem sagt afmæli í dag. Hann er einu árinu eldri en í fyrra þegar hann varð 50 ára.  Ég sendi Gústa og Hrönn systir bestu kveðjur héðan að norðan og vona að þau eigi góðan dag. Væri samt alveg til í að eyða deginum með þeim líkt og í fyrra, en það bíður betri tíma. 

Þótt liðin séu mörg, mörg ár,

síðan Gústi kom í heiminn.

Flottur karl með grásprengt hár,

og fráleitt orðin gleymin.

 

 

Málsháttur dagsins: Hællinn finnur helst hvar skórinn kreppir.

 

Athugasemdir

[Hrönn Jóhannesdóttir, 13.2.2009 kl. 02:44]

Hæ og til hamingju með daginn Já alveg sammála þér með daginn fyrir ári síðan þetta var svo sannarlega skemmtileg ferð og við endurtökum þetta bara fljótlega alla vega ekki láta líða of mörg ár Væri sko alveg til í að komst í kaffi en því miður er dálitið langt að fara en verð hjá ykkur í anda og taktu frá smá afganga handa okkur þar til síðar Bestu kveðjur til ykkar frá suðurnesjum

[Ólöf Jóhanna Pálsdóttir, 13.2.2009 kl. 18:13]

Þú lummar á þessu Palli minn. Haltu bara áfram.

[Margith Eysturtún, 14.2.2009 kl. 15:08]

Til hamingju með daginn