Ég svíf um á rósbleiku skýi

Ég svíf............... já í alvöru það er engu líkara en ég svífi um á rósbleiku skýi. Palli fór í fótasnyrtingu í morgun og svífur....

Jólasveinn dagsins er Gáttaþefur og um hann var ort forðum daga

 

Ellefti var Gáttaþefur,

-aldrei fékk sá kvef,

og hafði þó svo hlálegt

og heljarstórt nef.

 

Hann ilm af laufabrauði

upp á heiðar fann,

og léttur eins og reykur,

á lyktina rann.

Á morgun kemur svo hinn geðþekki Ketkrókur. Hann fær sína vísu á morgun. Ætli Skúli viti af þessu?

Málsháttur dagsins: Það er tungunni tamast sem hjartanu er kærast

Athugasemdir

[S. Lúther Gestsson, 22.12.2008 kl. 15:55]

Fórstu í hvað Páll??? Þú ert að grínast í okkur!!

[Páll Jóhannesson, 22.12.2008 kl. 16:04]

Nei vinur þetta er ekkert grín - skora á þig að gera slíkt hið sama

[S. Lúther Gestsson, 22.12.2008 kl. 20:05]

Er ekki bara hægt að tala um að vera í skýjunum með eitthvað. Rósbleiku skýji, hvað var eiginlega innifalið, talar eins og versta kelling orðið.

Ég viðraði þetta við frúna enn grettusvipurinn og setning eins og "Leggjum þetta ekki á neinn fyrir jólin" sagði það sem sega þurfti.

[Páll Jóhannesson, 22.12.2008 kl. 20:26]

Hættu nú að láta konuna grilla í þér. Kallaðu fram þetta mjúka og kvenlega í þér svona rétt fyrir jólin - og veistu ég svíf enn og skýið er enn rósbleikt