Lélegt útsýni þótt bílinn sé rándýr?

Nú spyr ég mig ,,Ætti útvarpsstjóri og ráðherra menntamála ekki að segja af sér STRAX?". Ofsa akstur þeirra í rekstri RÚV hefur etið nánast upp allt eigið fé stofnunarinnar. Ekki getur útvarpsstjóri kennt kreppunni einvörðungu um, er það? Hefur hann nægilega gott útsýni úr fína og rándýra bílnum sem stofnunin greiðir fyrir?. Kannski nafni minn ætti að taka sér far af og til með Strætó bs og líta vel í kringum sig og bjóða ráðherranum með.

Málsháttur dagsins: Sá sem vill hafa laun skal áður hafa til unnið

Meiri aðgerðir en starfsfólk vænti

Athugasemdir

[Ólöf Jóhanna Pálsdóttir, 1.12.2008 kl. 12:08]

Palli minn. Það eru nú ansi margir í dag sem sjá ekki út úr augunum vegna  siðblindu. Svo þeir sjá þar af leiðandi ekkert. Innra augað er eitthvað sjónlítið líka svo þeir sjá ekki í réttu ljósi sinn innri mann.

[Páll Jóhannesson, 1.12.2008 kl. 21:38]

Það er alveg rétt mamma mín. Menn halda áfram að grafa og almúgurinn spyr eðlilega ,,hvað þarf til að stoppa þetta fólk?" en því miður er fátt um svör

[Gunnar Th. (IP-tala skráð) 3.12.2008 kl. 16:44]

Þessi umræða öll um siðferði og siðblindu er eiginlega komin aftan að sjálfri sér. Það er sama hvert er litið, við finnum dæmin allsstaðar, og það eina sem við getum gert í umræðunni er að endurtaka okkur sí og æ.

Við erum aðeins 300.000 manns. Veistu Páll, ef við tækjum nú allt heila helvítis stjórnunarbatteríið, ríkisstjórn, þing og embættismannakerfið frá a-ö og skiptum um hvern einasta kjaft - hvað myndi gerast?

Jú, að svona þremur árum liðnum væri allt komið í sama farið. Vinir, frændur, flokksbræður, læjonsfélagar, frímúrarar, oddfellowar, bræður og systur myndu fylla allar stöður. Hvers vegna? Jú, vegna þess að þessi 300.000 manna hópur er allur meira og minna tengdur innbyrðis á þennan hátt sem talinn er hér að ofan. Hvað er betra til að styrkja sig í stöðu en að skipa  vini, félaga og frændur í kringum sig? Þó reglur kannski banni slíkt, þá má alltaf sveigja reglur, því eins og við vitum þá finnst þeim sem eftirlit eiga að hafa með öðrum líka gott að hafa vini, kunningja og frændur sér við hlið.....og ef þú klagar mig ekki þá klaga ég þig auðvitað ekki. Ef þriðji aðili klagar okkur báða þá næst ekki í okkur í nokkra daga meðan samherjarnir eru að þæfa málið. Svo þegar það er frá komum við fram fullir vandlætingar yfir fólki sem vill koma á okkur pólitísku höggi......

Allt þetta fólk sem situr hvað fastast í stjórnsýslunni sækir sömu veislurnar, sömu myndlistarsýningar, sömu opinberu móttökurnar, sömu vígslur nýrra opinberra framkvæmda. Það drekkur sömu kokkteilana úr sömu glösunum og segir hvert öðru sömu grobbsögurnar. Þar er enginn munur á. Þeir sem hvað hæst bylja nú um stjórnarbyltingu, kosningar o.þ.h. myndu nær allir taka fegins hendi opinberri stöðu, mjúkum stól og góðum launum eftir slíka byltingu.

Það er nefnilega sama hver talar og hvað er talað - á endanum er mannlegt eðli alltaf samt við sig.