Flottur kór

Undanfarnir dagar hafa verið afar annasamir þótt ekki sé dýpra í árina sé tekið. Er þjóðin að fara á hausinn eða heimurinn allur? Veit ekki. Ætla ekkert að velta mér upp úr ástandinu bara ekki neitt. En verð að játa að ef ég hefði einhvers staðar áhrifa og gæti beitt mér þá væri Dabbi kóngur orðin atvinnulaus.

Í gær var opið hús í Hamri félagsheimili Þórs. Tók talsverðan þátt í þeim undirbúningi. Körfu- og handboltafólk ásamt Taekwondo deild kynntu starfsemi sína. Leikmenn úrvalsdeildarliðs Þórs kynnt ásamt mörgu öðru skemmtilegu. Þrír einstaklingar voru heiðraðir. Fyrstan skal nefna Gunnar Jónsson sem er eiginlega faðir Taekwondo innan Þórs hann fékk gullmerki félagsins. Árni K. Bjarnason sem starfað hefur á annan áratug í stjórnum körfuboltadeildar Þórs m.a. sem gjaldkeri og formaður unglingaráðs fékk silfurmerki. Þá fékk Vignir Traustason sem starfað hefur um langt árbil fyrir handboltadeild Þórs silfurmerki. Flottir karla. Til hamingju. Meira er hægt að lesa um þetta á heimasíðu Þórs. Því miður gat ég ekki verið viðstaddur sjálfa athöfnina. Á  sama tíma var dóttir mín að syngja með æskulýðskór Glerárkirkju á tónleikum ég fór þangað.

Æskulýðskór Glerárkirkju hélt sem sagt kaffitónleika í kirkjunni. Það var hin besta skemmtun. Það er reyndar ávallt þannig þegar þessi góði kór er annars vegar. Flottir unglingar og ekki skemmir kórstjórinn sem á heiður skilið fyrir sitt frábæra starf. Undirleikari á þessum tónleikum eins og stundum áður var  Valmar Väljaots. Valmar þessi er þvílíkur fádæma snillingur. Hann leikur með stórhljómsveitinni Hvanndalsbræður. Það er nokk sama hvaða hljóðfæri honum er fengið, hann kann á allt. Og það sem þessum manni tekst að töfra út úr hljóðfærunum er snilld. Tónleikarnir sem sagt í heild frábær skemmtun. Ég fékk kórinn til að stilla sér upp eftir tónleika og afraksturinn af þeirri myndatöku má sjá hér.

    

Eftir tónleikana var chillað. Við gamla settið skruppum á Glerártorg með Elínu Ölmu ömmu á Glerártorg en hún fór með okkur á tónleikana. Elín Alma ásamt stóru systir sinni henni Margréti Birtu er farin að syngja með barnakór Glerárkirkju. Um kvöldið svo farið í mat til Döggu og Jóa. Spaugstofan algerlega frábær. Svo var restinni af kvöldinu eytt í að horfa á myndir sem Sædís vinkona Döggu bauð uppá. Sædís er nýkomin heim frá Kenýju þar sem hún var um tíma í hjálparstarfi. Frábært kvöld - takk fyrir okkur.

Málsháttur dagsins: Sjaldan fellur eplið langt frá eikinni.

Athugasemdir

[S. Lúther Gestsson, 13.10.2008 kl. 00:20]

Stelpan mín hefur tekið þátt í svona kórstarfi hjá kirkjunni, afskaplega gefandi fyrir bæði fullorðna og börnin.

Já veit ekki hverju hafi verið fagnað hæðst á þessu lokahófi Þórs, eiginlega dettur mér ekkert í hug...nei nákvæmlega ekkert. Nema þá helst góðum árangri yngri flokkanna bæði drengja og stúlkna.

Vignir Traustason?  Er hann ekki gamall KA maður?

Þessi maður er uppalinn hjá KA!! Hvað skyldi hann hafa kostað?

[Páll Jóhannesson, 13.10.2008 kl. 08:44]

Kornungur maður getur ekki verið gamall eitthvað. Vignir hefur unnið gott starf fyrir Þór og við kunnum að sýna fólki sem sinnir sjálfboðaliðastarfi  þakklæti.

[Hrönn Jóhannesdóttir, 13.10.2008 kl. 12:07]

Innlit og kvitt