Páll Jóhannesson

9.3.2008 | 21:47

Sjáið nýju brjóstin mín.

Las frétt um að Bensi Sig hafi belgt sig á fundi hjá KEA þar sem hann hefur setið í mörg ár í stjórn m.a sem formaður. Bensi gekk út og er hættur. KEA sem á fullt af aurum sem þeir vita ekkert hvað þeir eiga gera við ákváðu m.a. á þessum átaka fundi að gefa Flygil í Menningarhúsið Hof. Það léttir á hjá Akureyrarbæ enda skilst manni að húsið sé að verða dýrara en nokkurn hafði órað fyrir.

Skáksnillingurinn Borís Spasskí er staddur hér á landi, sem er í sjálfu sér ekki til frásögur færandi. Hann upplýsti þó landslíð um að vinur sinn Bobby Fischer hafi aldrei verið mikið fyrir það að vera í sviðsljósinu og forðast fjölmiðla. Jahá hvenær komst Spasskí að þessari staðreynd? Hvar hefur hann eiginlega verið? Þetta vissi allur heimurinn fyrir og hefur vitað lengi, kannski hefði átt að láta karlinn vita af þessu fyrr?

,,Hæst ánægð með nýju brjóstin" ja hérna og endemi. Hér er vitnað í orð Kelly Rowland (hvers svo sem í ósköpunum hún er) eftir að hún fór í brjósta stækkun. Þessi ,,bráðskarpa" kona sagði m.a. ,,ég var hundþreytt á því að passa ekki í bolina mína". Kannski hefði verið hagkvæmara fyrir hana að venja sig á að kaupa föt sem passa? hvað ætli hún geri ef bolirnir hlaupa í þvotti? láta taka sílikonið úr túttunum? og það sem meira er hvað ætli hún myndi gera ef hún keypti óvart og stóra húfu á sig?

Í dag var haldið upp á afmæli Jón Páls. Tertur, kökur og góðgæti af ýmsu tagi var borið á borð. Eins og venja var nægt til að fóðra í aðra veislu ef því hefði verið að skipta. Greinilegt að engin átti að fara svangur út frekar en fyrri daginn. Alla vega engin megrun í dag.

Litli kútur tók upp gjafir í erg og gríð og leiddist ekki við að rífa og tæta utan af pökkunum.

Playmobil leikföng voru greinilega vinsæl á þessum afmælisdegi. Þyrla, sjúkrabíll, löggubíll og lögreglustöð með öllu tilheyrandi.

Þegar hann var tveggja ára þá var vandamál að fá hann til að taka upp allar gjafirnar. Þegar búið var að opna þann fyrsta þá átti bara að fara leika sér hitt gat beðið.

Í dag þurfti ekki að hvetja litla kút til að ráðast á þann næsta. Hann er orðin það stór og hafði vit á því að biðja strax um þann næsta.

Fróðleikur dagsins: Ég barðist ekki fyrir því að vera efstur í fæðukeðjunni til þess að gerast grænmetisæta.

Flokkur: Bloggar | Breytt s.d. kl. 23:29 | Facebook

Athugasemdir

Smá innlitskvitt Palli.

Bói

Jac Norðquist, 10.3.2008 kl. 06:31

Til hamingju með Jón Pál

Anna Bogga (IP-tala skráð) 10.3.2008 kl. 10:57

Hva er nokkur eftirsjá af Bensa í Kea?

Edda Agnarsdóttir, 10.3.2008 kl. 22:50

Nei sennilega engin eftirsjá, ef menn fara í fýlu þá bara verða þeir í fýlu.

Páll Jóhannesson, 10.3.2008 kl. 22:56

Bara innlitskvitt... og svo fannst mér fróðleikur dagsins passa mér alveg ótrúlega vel - Svo leit Rabbi Haralds, sem kenndi(eða allalvega reyndi það) í Gagganum forðum, í kaffi í dag. Við rifjum alltaf upp gaggatímann annað veifið og ég get svarið það... að ég hefði ekki viljað kenna mér:-)