Leita í fréttum mbl.is

Stjarna í augum Mömmu GóGó

Aldrei þessu vant þá brá ég mér í bíó með frúnni. Það er í sjálfu sér ekkert fréttnæmt eða þannig en, það þykir tíðindum sæta ef ég held úti heilli mynd án þess að dotta. Mynd Friðriks Þórs Friðrikssonar, Mamma GÓGÓ sem var fyrir valinu að þessu sinni. Hrein út sagt prýðis mynd. Stórleikur Kristbjargar Kjeld stóð upp úr, þvílík leikkona. 

Minningar tengdar henni ömmu minni sálugu, Önnu Ólafsdóttir hrúguðust upp meðan á sýningu stóð og gerir enn. Líkt og Mamma GÓGÓ þjáðist hún amma mín sáluga af þessum skelfilega sjúkdómi, Alzheimer. Fannst ég endur upplifa margt.

Hef áður sagt og segi enn, maður verður dálítið meir með aldrinum. Maður reynir að harka af sér. Á leið heim úr bíó dreifði frúin huga mínum með því að benda mér á og segja ,,sjáðu norðurljósin frábært". Þar með hafði ég ærna ástæðu til að fara út og mynda. Njóta fegurðarinnar. Fátt fallegra en stjörnubjartur himinn, norðurljós og tunglskin, stilla. Þokkalega góð ástæða. 

Gott að koma sér úr mestu bæjarljósunum svo þau trufli ekki. Ekki farið langt. Fór út í Krossanesborgir því þar er maður komin í þokkalegt myrkur, ekki algert en í lagi. 

Táknrænt. Kvikmyndagerðarmaðurinn og sonurinn var stjarna í augum móður sinnar. Svo má tengja þegar maður talar um stjörnur. Fullyrði að ég var stjarna í augum ömmu minnar. Já klárlega. En þó ekki einn því hún amma mín var þannig gerð að öll hennar barnabörn voru stjörnur í augum hennar.

Hvað um það hér er svo sýnishorn af myndatöku kvöldsins.  Hér er horft í átt að Svalbarðsströnd.

Norðurljós

Og hér u.b.b. horft í norður. 

Norðurljós

Lík svo þessu stutta bloggi með erindi úr gömlu lagi sem Ágúst Atlason söng þegar hann var í Nútímabörnum og lagið heitir ,,Vetrarnótt". Erindið verður því að þessu sinni Slagorð dagsins.

Í baksýn fjöllin há
snævi þaktir tindar rísa.
Fögur sjón að sjá
og norðurljósin allt upp lýsa.

 


« Síðasta færsla | Næsta færsla »

Athugasemdir

1 Smámynd: S. Lúther Gestsson

Þú hefur átt gott kvöld með viðhaldinu sé ég.

S. Lúther Gestsson, 21.1.2010 kl. 00:33

2 Smámynd: Hrönn Jóhannesdóttir

Hæ rosalega flottar myndir hja þér. Ég væri alveg til í að sjá þessa mynd en hún er því miður ekki sýnd hérna á suðurnesjum kannski maður skreppi bara í borg óttans og sjái hana hver veit :)

Hrönn Jóhannesdóttir, 28.1.2010 kl. 09:25

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Páll Jóhannesson
Páll Jóhannesson

Akureyringur, eiginmaður, pabbi, afi, Þórsari,  jafnaðarmaður, City - fan og Áfram Þór alltaf, allstaðar.

Hafi einhver áhuga að senda mér tölvupóst þá sendið á pallijo@internet.is

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

270 dagar til jóla

Innskráning

Ath. Vinsamlegast kveikið á Javascript til að hefja innskráningu.

Hafðu samband